ന്യൂയോര്‍ക്ക്: അമേരിക്കയിലെ ന്യൂയോര്‍ക്കില്‍ ഭൂഗര്‍ഭ റെയില്‍വേ സ്റ്റേഷനില് വെടിവയ്പ്. മൂഖം മൂടി ധരിച്ചെത്തിയ അജ്ഞാതന്‍ യാത്രക്കാര്‍ക്ക് നേരെ തുരുതുരാ വെടിവച്ചതായാണ് റിപ്പോര്‍ട്ടുകള്‍. സ്‌ഫോടനം നടന്നതായും വാര്‍ത്തകള്‍ വരുന്നുണ്ട്. കുറഞ്ഞത് 13 പേര്‍ക്ക് പരിക്കേറ്റതായാണ് റിപ്പോര്‍ട്ടുകള്‍ വ്യക്തമാക്കുന്നത്.
ബ്രൂക്ക്‌ലിനില്‍ അമേരിക്കന്‍ സമയം രാവിലെ 8.30നായിരുന്നു സംഭവം. തിരക്കുള്ള സമയത്ത് മുഖം മൂടി ധരിച്ചെത്തിയ അജ്ഞാതന്‍ യാത്രക്കാര്‍ക്ക് നേരെ വെടിയുതിര്‍ക്കുകയായിരുന്നു. പരിക്കേറ്റവരെ മറ്റു യാത്രക്കാര്‍ ചേര്‍ന്നാണ് ആശുപത്രിയിലേക്ക് കൊണ്ടുപോയത്.
സംഭവസ്ഥലത്ത് നിന്ന് സ്‌ഫോടകവസ്തുക്കള്‍ പിടിച്ചെടുത്തതായും റിപ്പോര്‍ട്ടുകളുണ്ട്. സംഭവത്തെ തുടര്‍ന്ന് ട്രെയിന്‍ ഗതാഗതം താത്കാലികമായി നിര്‍ത്തിവെച്ചു. പ്രദേശത്തേയ്ക്ക് ആരും പോകരുതെന്ന് ന്യൂയോര്‍ക്ക് പൊലീസ് മുന്നറിയിപ്പ് നല്‍കി.
ഈ വാർത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്.
ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
