വിദ​ഗ്ധമായി സൈക്കിളോടിച്ച് ​ഗൊറില്ല; വളവിൽ എത്തിയതിന് പിന്നാലെ..., വൈറൽ വീഡിയോ 

മൃ​ഗങ്ങളുടെയും പക്ഷികളുടെയും നിരവധി വീഡ‍ിയോകളാണ് ഓരോ ദിവസവും പുറത്തുവരുന്നത്. ഇത്തരം വീഡിയോകൾക്ക് കാഴ്ചക്കാർ ഏറെയുമാണ്. ഇപ്പോൾ അത്തരമൊരു ദൃശ്യമാണ് സാമൂഹിക മാധ്യമങ്ങളിൽ ചിരിപടർത്തുന്നത്. 

 ഐഎഫ്എസ് ഉദ്യോഗസ്ഥനായ ഡോ. സാമ്രാട്ട് ഗൗഡയാണ് രസകരമായ ഈ ദൃശ്യം ട്വിറ്ററിലൂടെ പങ്കുവച്ചത്. സൈക്കിൾ ഓടിച്ചുവരുന്ന ഗൊറില്ലയുടെ ദൃശ്യമാണിത്. ഗൊറില്ലകളെ പാര്‍പ്പിച്ചിരിക്കുന്ന മതിൽക്കെട്ടിനുള്ളിലൂടെ അതിവിദഗ്ധമായി സൈക്കിളോടിച്ചുവരുന്ന ഗൊറില്ലയാണ് ദൃശ്യങ്ങളുടെ തുടക്കത്തിൽ. സൈക്കിൾ വളയ്ക്കാൻ ശ്രമിച്ചതും ഗൊറില്ല സൈക്കിളുമായി നിലത്തേക്കു മറിഞ്ഞുവീണതും ഒന്നിച്ചായിരുന്നു. 

ഇതോടെ കലികയറി ഗൊറില്ല സൈക്കിൾ ദേഷ്യത്തോടെ വലിച്ചു ദൂരേക്കെറിയുകയായിരുന്നു. ഗൊറില്ലയുടെ സൈക്കിളിനോടുള്ള ദേഷ്യവും പിണങ്ങിമാറിയുള്ള ഇരിപ്പുമാണ് ആളുകളിൽ ചിരിപടർത്തുന്നത്.

ഈ വാര്‍ത്ത കൂടി വായിക്കൂ

അമ്പും വില്ലും ഉപയോഗിച്ച് കൂറ്റന്‍ അലിഗേറ്റര്‍ ഗാറിനെ പിടികൂടി; വിഡിയോ 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ