കറാച്ചി: പാകിസ്ഥാനിലുണ്ടായ ട്രെയിന്‍ അപകടത്തില്‍ മരിച്ചവരുടെ എണ്ണം 30 കവിഞ്ഞു. 80 ലേറെ പേര്‍ക്ക് പരിക്കേറ്റിട്ടുണ്ട്. ട്രെയിനിന്റെ പത്തോളം ബോഗികളാണ് പാളംതെറ്റിയത്.
കറാച്ചിയില്‍ നിന്ന് റാവല്‍പിണ്ടിയിലേക്കു പോയ ഹസാര എക്‌സ്പ്രസ് ട്രെയിനാണ് ഞായറാഴ്ച നവാബ്ഷാ ജില്ലയിലെ സര്‍ഹരി റെയില്‍വേ സ്റ്റേഷനു സമീപം അപകടത്തില്‍പെട്ടത്.
അപകട സമയത്ത് ആയിരത്തിലേറെ പേര്‍ ട്രെയിനിലുണ്ടായിരുന്നു. അപകടകാരണത്തെക്കുറിച്ച് വിശദമായ അന്വേഷണം നടത്തുമെന്ന് റെയില്‍വേ മന്ത്രി ഖവാജ സാദ് റഫീഖ് പറഞ്ഞു.
സാങ്കേതിക തകരാറാണോ, ബോധപൂര്‍വം ഉണ്ടാക്കിയ അപകടമാണോ എന്നാണ് അന്വേഷിക്കുന്നതെന്ന് മന്ത്രി സൂചിപ്പിച്ചു. ട്രെയിന്‍ പതിവ് വേഗതയിലായിരുന്നുവെന്ന് അന്വേഷണത്തില്‍ വ്യക്തമായിട്ടുണ്ട്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
