ന്യൂയോര്ക്ക് : ഇസ്രായേലിനെ ഹമാസ് ആക്രമിച്ചുവെങ്കില് പലസ്തീന് ജനത സ്വന്തം ഭൂമിയിലെ അധിനിവേശത്തില് വീര്പ്പുമുട്ടുകയാണെന്നും ഒന്നും ശൂന്യതയില് നിന്നുണ്ടായതല്ലെന്നും യു എന് സെക്രട്ടറി ജനറല് അന്റോണിയ ഗുട്ടെറസ്. കഴിഞ്ഞ 56 വര്ഷമായി പലസ്തീന് ജനത അടിച്ചമര്ത്തല് നേരിടുകയാണെന്നും യുഎന് സുരക്ഷാ കൗണ്സിലില് അദ്ദേഹം പറഞ്ഞു.
ഹമാസിന്റെ ആക്രമണങ്ങള് ഒരു ശൂന്യതയിലല്ല സംഭവിച്ചതെന്ന് തിരിച്ചറിണം. തങ്ങളുടെ ഭൂമി ഒത്തുതീര്പ്പില് കൂടിയും ആക്രമണത്തില് കൂടിയും വീതംവെക്കുന്നത് അവര് കണ്ടു. അവരുടെ സമ്പദ് വ്യവസ്ഥ സ്തംഭിച്ചു. അവരുടെ വീടുകള് തകര്ക്കപ്പെട്ടു. ജനങ്ങള് കുടിയിറക്കപ്പെട്ടു. രാഷ്ട്രീയമായ പരിഹാരം ഉണ്ടാകും എന്ന അവരുടെ പ്രതീക്ഷകള് അസ്തമിച്ചുവെന്നും ഗുട്ടെറസ് പറഞ്ഞു.
പലസ്തീന് ജനതയുടെ ദുരിതങ്ങള്ക്ക് ഹമാസിന്റെ ആക്രമണത്തെ ഒരിക്കലും ന്യായീകരിക്കാന് സാധിക്കുന്നതല്ലെന്നും അദ്ദേഹം പറഞ്ഞു. ആക്രമണത്തിന്റെ പേരില് പലസ്തീന് ജനതയെ ഒന്നാകെ ശിക്ഷിക്കുന്നതിനേയും ന്യായീകരിക്കാനാകില്ലെന്നും യുഎന് സെക്രട്ടറി ജനറല് പറഞ്ഞു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ