വിശപ്പകറ്റാൻ 100 കോടി ഭക്ഷണപ്പൊതികൾ: റ​മ​ദാ​ൻ മാ​സ​ത്തി​ലെ പ്രഖ്യാപനം യാഥാർഥ്യമാക്കി ദുബൈ (വിഡിയോ )

ദു​ബൈ: ലോകമെമ്പാടുമുള്ള ജനങ്ങളുടെ വയർ നിറയ്ക്കാൻ 100 കോടി ഭക്ഷ്യകിട്ടുകൾ നൽകുമെന്ന പ്രഖ്യാപനം യാഥാർഥ്യമാക്കി ദുബൈ. 2022ൽ റമദാൻ മാസത്തിലായിരുന്നു ഈ വലിയ പ്രഖ്യാപനം യു.​എ.​ഇ വൈ​സ്​ പ്ര​സി​ഡ​ന്റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ അ​ൽ മ​ക്​​തൂം നടത്തിയത്.

'മൂന്ന് വർഷം മുൻപ് നമ്മൾ തുടങ്ങിയ ആ സ്വപ്നം ഈ മാസം പൂർണമായി ലക്ഷ്യം കണ്ടുവെന്നും 65 രാജ്യങ്ങളിലായി ഒരു ബില്യൻ ഭക്ഷണം വിതരണം ചെയ്തു' എന്ന് ഷെയ്ഖ് മുഹമ്മദ് വ്യക്തമാക്കി.

2020 റ​മ​ദാ​നി​ൽ 10 മി​ല്യ​ൻ മീ​ൽ​സ്​ പ​ദ്ധ​തി​യും 2021 റ​മ​ദാ​നി​ൽ 100 മി​ല്യ​ൻ മീ​ൽ​സ്​ പ​ദ്ധ​തി​യും ന​ട​പ്പി​ലാ​ക്കി​യ​തി​ന്‍റെ തു​ട​ർ​ച്ച​യാ​യാ​ണ്​ ‘വ​ൺ ബി​ല്യ​ൺ മീ​ൽ​സ്​’ പ​ദ്ധ​തി പ്ര​ഖ്യാ​പിച്ചത്. ഒ​രു വി​വേ​ച​ന​വു​മി​ല്ലാ​തെ യു.​എ.​ഇ​യു​ടെ മാ​നു​ഷി​ക​മാ​യ ഇടപെടലുകൾ ​ ലോകത്ത് എല്ലായിടത്തും എത്തിക്കുന്നതിന്റെ ഭാഗമായി ആണ് ഈ നടപടി.

‘വ​ൺ ബി​ല്യ​ൺ മീ​ൽ​സ്​’ പ​ദ്ധ​തി​യി​ലേ​ക്ക്​ വിവിധ മേ​ഖ​ല​ക​ളി​ലെ വ്യ​ക്തി​ക​ൾ, സ്ഥാ​പ​ന​ങ്ങ​ൾ, ബി​സി​ന​സു​ക​ൾ എ​ന്നി​വ​രി​ൽ ​നി​ന്ന്​ വ​ലി​യ പിന്തുണ ലഭിച്ചു​. 2030ഓ​ടെ പ​ട്ടി​ണി തു​ട​ച്ചു​നീ​ക്കാ​നു​ള്ള ഐക്യരാഷ്ട്ര സഭയുടെ ല​ക്ഷ്യ​ത്തെ പി​ന്തു​ണ​ക്കു​ക​ എന്നതാണ് ഇതിലൂടെ ലക്ഷ്യമാക്കിയതെന്നും അധികൃതർ പറഞ്ഞു.