ഹൈവേ മുറിച്ചു കടക്കുന്നതിനിടെ വാഹനമിടിച്ചു; മാരത്തോണ്‍ ഇതിഹാസതാരം 114ാം വയസ്സില്‍ മരിച്ചു

ചണ്ഡിഗഡ്: 114ാം വയസ്സില്‍ മാരത്തോണ്‍ ഇതിഹാസ താരം ഫൗജ സിങ് വാഹനം ഇടിച്ചു മരിച്ചു. ജലന്തര്‍ ജില്ലയിലെ ബിയാസ് ഗ്രാമത്തില്‍ റോഡ് മുറിച്ചുകടക്കുന്നതിനിടെ വാഹനം ഇടിക്കുകയായിരുന്നു.

രാജ്യത്തെ ഏറ്റവും പ്രായമേറിയ മാരത്തോണ്‍ എന്നറിയപ്പെട്ട ഫൗജ 89ാം വയസ്സിലാണ് മാരത്തോണില്‍ പങ്കെടുക്കാന്‍ തുടങ്ങിയത്. ലണ്ടനിലും ടൊറന്റോയിലും ഹോങ്കോങിലും ഉള്‍പ്പടെ 18 മാരത്തണുകളില്‍ പങ്കെടുത്തു. 2013ല്‍ വിരമിച്ചു.

ദ് ടര്‍ബന്‍ഡ് ടൊര്‍ണാഡോ' എന്ന ഫൗജ സിങിന്റെ ജീവചരിത്രം പ്രശസ്ത എഴുത്തുകാരന്‍ ഖുശ് വന്ത് സിങാണ് രചിച്ചത്.