ചെന്നൈ: രാജ്യാന്തര ക്രിക്കറ്റില്‍ ധോനിയുടെ ഭാവിയെ സംബന്ധിച്ച് അനിശ്ചിതത്വം നിലനില്‍ക്കുമ്പോള്‍ ഐപിഎല്ലില്‍ അങ്ങനെയൊന്ന് ഇല്ലെന്ന് ഉറപ്പിച്ച് ചെന്നൈ സൂപ്പര്‍ കിങ്‌സ് സഹ ഉടമ എന്‍ ശ്രീനിവാസന്‍. 2021 ഐപിഎല്‍ സീസണിലും ധോനിയെ ചെന്നൈ ടീമില്‍ നിലനിര്‍ത്തുമെന്ന് ശ്രീനിവാസന്‍ വ്യക്തമാക്കുന്നു.
എപ്പോഴാണ് ധോനി വിരമിക്കുക, എത്ര നാള്‍ കളി തുടരാനാവും എന്നെല്ലാമാണ് ആരാധകരുടെ ചോദ്യം. അദ്ദേഹം കളിക്കും. ഞാന്‍ ഉറപ്പ് പറയുന്നു. ഈ വര്‍ഷം ധോനി കളിക്കും. അടുത്ത വര്‍ഷം ലേലത്തിലേക്ക് ധോനിയുടെ പേരെത്തും. ഞങ്ങള്‍ ധോനിയെ നിലനിര്‍ത്തും. അക്കാര്യത്തില്‍ ഒരു സംശയവും ആര്‍ക്കും വേണ്ട, ബിസിസിഐ മുന്‍ പ്രസിഡന്റ് വ്യക്തമാക്കുന്നു.
രഞ്ജി ട്രോഫിയില്‍ ജാര്‍ഖണ്ഡ് ടീമിനൊപ്പം പരിശീലനത്തിന് ഇറങ്ങിയ ധോനി ഞെട്ടിച്ചുവെന്ന് ടീം പരിശീലകന്‍ രാജിവ് കുമാറും പറഞ്ഞിരുന്നു. ഇത്ര നാള്‍ കളിക്കളത്തില്‍ നിന്ന് വിട്ട് നിന്നിട്ടും നെറ്റ്‌സില്‍ ഒരു പന്ത് പോലും ധോനി കളിക്കാതെ വിട്ടില്ലെന്നാണ് ജാര്‍ഖണ്ഡ് പരിശീലകന്‍ പറയുന്നത്.
ഇടവേളയ്ക്ക് ശേഷം നെറ്റ്‌സിലേക്ക് എത്തുമ്പോള്‍ ഉണ്ടാവാന്‍ സാധ്യതയുള്ള ക്ഷീണമൊന്നും അവിടെ ധോനിയില്‍ കണ്ടില്ല. ഏറ്റവും ഒടുവില്‍ ഞങ്ങള്‍ സംസാരിച്ചപ്പോള്‍ ധോനി പറഞ്ഞിരുന്നു, ജനുവരിയില്‍ പരിശീലനം തുടങ്ങുമെന്ന്, ആ വാക്ക് ധോനി പാലിച്ചു, ജാര്‍ഖണ്ഡ് പരിശീലകന്‍ പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
