87ല്‍ ഒബിയേറ്റയുടെ ഹെഡ്ഡര്‍; കഷ്ടിച്ച് ജയിച്ച് ബ്ലാസ്‌റ്റേഴ്‌സ്

ഫത്തോര്‍ഡ: സീസണിനു വിജയത്തോടെ തുടക്കമിട്ട് കേരള ബ്ലാസ്‌റ്റേഴ്‌സ്. എഐഎഫ്എഫ് സൂപ്പര്‍ കപ്പ് പോരാട്ടത്തില്‍ ബ്ലാസ്‌റ്റേഴ്‌സ് മറുപടിയില്ലാത്ത ഒറ്റ ഗോളിനു രാജസ്ഥാന്‍ യുനൈറ്റഡ് എഫ്‌സിയെ വീഴ്ത്തി.

കളിയുടെ അവസാന ഘട്ടം വരെ ഇരു ടീമുകളും ഗോളടിക്കാതെ നില്‍ക്കുകയായിരുന്നു. 87ാം മിനിറ്റിലാണ് ബ്ലാസ്‌റ്റേഴ്‌സ് ഒടുവില്‍ വിജയ ഗോള്‍ കണ്ടെത്തിയത്.

കോള്‍ഡോ ഒബിയേറ്റയാണ് ബ്ലാസ്‌റ്റേഴ്‌സിനായി വല ചലിപ്പിച്ചത്. താരം പന്ത് ഹെഡ്ഡ് ചെയ്ത് വലയിലിടുകയായിരുന്നു.

കളിയുടെ 52ാം മിനിറ്റില്‍ രാജസ്ഥാന്‍ താരം ഗുര്‍സിമ്രത് ഗില്‍ ചുവപ്പ് കാര്‍ഡ് കണ്ട് പുറത്തായതോടെ രാജസ്ഥാന്‍ പത്ത് പേരായാണ് കളിച്ചത്. എന്നിട്ടും അവസാന ഘട്ടം വരെ അവര്‍ക്ക് ബ്ലാസ്റ്റേഴ്‌സിനെ പ്രതിരോധിക്കാനായി.