മാഡ്രിഡ്: യുവേഫ ചാംപ്യന്‍സ് ട്രോഫി പോരിനൊരുങ്ങുന്ന സ്പാനിഷ് വമ്പന്‍മാരായ ബാഴ്‌സലോണയ്ക്ക് കനത്ത തിരിച്ചടി. മിന്നും ഫോമില്‍ കളിക്കുന്ന ഡാനി ഓല്‍മോ പരിക്കേറ്റ് പുറത്ത്.
മസിലിനേറ്റ പരിക്കിനെ തുടര്‍ന്ന് താരം ജിറോണയ്‌ക്കെതിരായ പോരാട്ടത്തിനിടെ കളം വിട്ടിരുന്നു. 4 മുതല്‍ 5 ആഴ്ച വരെയാണ് താരത്തിനു ഡോക്ടര്‍മാര്‍ വിശ്രമം നിര്‍ദ്ദേശിച്ചിരിക്കുന്നത്.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
ആര്‍ബി ലെയ്പ്‌സിഗില്‍ നിന്നു ഈ സീസണിലാണ് താരം ബാഴ്‌സ പാളയത്തിലെത്തിയത്. ഇതുവരെ ബാഴ്‌സ ജേഴ്‌സിയില്‍ 3 മത്സരങ്ങള്‍ കളിച്ച ഓല്‍മോ മൂന്ന് കളിയിലും ഓരോ ഗോള്‍ വലയിലാക്കി. ജിറോണയ്‌ക്കെതിരായ പോരാട്ടത്തിലും ഗോളടിച്ച ശേഷമാണ് താരം പരിക്കേറ്റ് പുറത്തായത്.
ഈ മാസം 19നു രാത്രി 12.30ന് മൊണാക്കോയുമായാണ് ബാഴ്‌സലോണയുടെ ആദ്യ ചാംപ്യന്‍സ് ലീഗ് പോരാട്ടം. താരത്തിനു മത്സരം നഷ്ടമാകും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
