മെസി പോയ ശേഷം ആദ്യം! ലാ ലി​ഗയിൽ ബാഴ്സലോണയ്ക്ക് കിരീടം

മാ‍ഡ്രിഡ്: സ്പാനിഷ് ലാ ലി​ഗ കിരീടം തിരികെ ഷോക്കേസിലെത്തിച്ച് പരിശീലകൻ ഷാവി ​ഹെർണാണ്ടസ്. ഇടവേളയ്ക്ക് ശേഷം ബാഴ്സലോണ സ്പെയിനിൽ ചാമ്പ്യൻമാരായി. ഇന്ത്യൻ സമയം ഇന്ന് പുലർച്ചെ നടന്ന പോരാട്ടത്തിൽ എസ്പാന്യോളിനെതിരെ രണ്ടിനെതിരെ നാല് ​ഗോളുകൾക്ക് വിജയം സ്വന്തമാക്കിയാണ് ബാഴ്സയുടെ കിരീട നേട്ടം. 

2018- 19 സീസണിലാണ് അവസാനമായി ബാഴ്സലോണ ലാ ലി​ഗയിൽ മുത്തമിട്ടത്. ലയണൽ മെസി ടീം വിട്ടതിനു ശേഷം ആദ്യമായാണ് സ്പെയിനിൽ ടീം ചാമ്പ്യൻമാരാകുന്നത്. ഷാവി ഹെർണാണ്ടസിന്റെ പരിശീലകൻ എന്ന നിലയിലെ കന്നി ലീ​ഗ് കിരീടമെന്ന പ്രത്യേകതയും ഇതിനുണ്ട്. 

ലീ​ഗിൽ നാല് മത്സരങ്ങളാണ് ഇനി ശേഷിക്കുന്നത്. രണ്ടാം സ്ഥാനത്തുള്ള റയൽ മാ‍‍ഡ്രിഡുമായി ബാഴ്സയ്ക്ക് 14 പോയിന്റിന്റെ വ്യക്തമായ ആധിപത്യമുണ്ട്. ബാഴ്സലോണ ഇത് 27ാം തവണയാണ് സ്പെയിനിൽ കിരീടം നേടുന്നത്. 

മത്സരത്തിൽ ബാഴ്സയ്ക്കായി റോബർട്ട് ലെൻഡോസ്കി ഇരട്ട ​ഗോളുകൾ നേടി. അലെസാന്‍ഡ്രോ ബാള്‍ഡെ, ജുലെസ് കൂണ്ടെ എന്നിവരും ബാഴ്‌സയ്ക്കായി വല ചലിപ്പിച്ചു. ഹാവി പൗഡോ, ജോസെലു എന്നിവര്‍ അവസാന ഘട്ടത്തില്‍ രണ്ട് ഗോള്‍ മടക്കിയെങ്കിലും ബാഴ്‌സയെ വീഴ്ത്താന്‍ അതു മതിയായില്ല.

ഈ വാർത്ത കൂടി വായിക്കൂ 

ചെന്നൈ സൂപ്പര്‍ കിങ്‌സിന് 'ഷോക്ക്'- അനായാസം കൊല്‍ക്കത്ത

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ