ടോക്യോ: ഒളിംപിക്‌സ് നീന്തലിലെ അതിവേഗ താരമായി അമേരിക്കയുടെ കെലബ് ഡ്രെസല്‍. ഒളിംപിക്‌സ് റെക്കോര്‍ഡോടെയാണ് 50 മീറ്റര്‍ ഫ്രീസ്റ്റൈലില്‍ കെലബ് ഡ്രെസല്‍ സ്വര്‍ണത്തില്‍ മുത്തമിട്ടത്.
ടോക്യോയിലെ ഡ്രസലിന്റെ നാലാമത്തെ സ്വര്‍ണമാണ് ഇത്. 21.07 എന്ന സമയമാണ് 50 മീറ്റര്‍ ഫ്രീസ്റ്റൈലില്‍ ഡ്രെസല്‍ കണ്ടെത്തിയത്. ഫ്രാന്‍സിന്റെ ഫ്‌ളോറന്റ് മനോഡോയ്ക്കാണ് വെള്ളി. ബ്രസീലിന്റെ ബ്രൂണോ ഫ്രാറ്റസിനാണ് വെങ്കലം.
വനിതകളുടെ 50 മീറ്റര്‍ ഫ്രീസ്റ്റൈലില്‍ ഓസ്‌ട്രേലിയയുടെ എമ്മ മക്കിയോണിനാണ് സ്വര്‍ണം. 23.81 എന്ന ഒളിംപിക്‌സ് റെക്കോര്‍ഡ് സമയം കണ്ടെത്തിയാണ് എമ്മ നീന്തലിലെ വേഗമേറിയ താരമായത്. സ്വീഡന്റെ സാറയ്ക്കാണ് വെള്ളി. ഡെന്മാര്‍ക്കിന്റെ പെര്‍ണില്‍ ബ്ലൂ മൂന്നാമത് ഫിനിഷ് ചെയ്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
