കാലിഫോര്‍ണിയ: സ്പാനിഷ് കൗമാര താരവും ടെന്നീസിലെ പുതിയ സെന്‍സേഷനുമായ കാര്‍ലോസ് അല്‍ക്കാരസ് വീണ്ടും ലോക റാങ്കിങില്‍ ഒന്നാം സ്ഥാനത്ത്. 22 ഗ്രാന്‍ഡ് സ്ലാം കിരീട നേട്ടമെന്ന റെക്കോര്‍ഡിനൊപ്പമുള്ള ഇതിഹാസ താരം സെര്‍ബിയയുടെ നൊവാക് ജോക്കോവിചിനെ പിന്തള്ളിയാണ് 19കാരന്‍ വീണ്ടും ടെന്നീസ് റാങ്കിങിന്റെ തലപ്പത്തെത്തിയത്.
ഇന്ത്യന്‍ വെല്‍സില്‍ കന്നി കിരീടം സ്വന്തമാക്കിയതോടെയാണ് അല്‍ക്കാരസ് ഒന്നാം സ്ഥാനത്തേക്ക് കുതിച്ചെത്തിയത്. ഫൈനലില്‍ റഷ്യന്‍ കരുത്തന്‍ ഡാനില്‍ മെദ്‌വെദെവിനെ വീഴ്ത്തിയാണ് അല്‍ക്കാരസ് ബിഎന്‍പി പരിബാസ് ഓപ്പണ്‍ കിരീടം നേടിയത്.
@carlosalcaraz defeats Medvedev 6-3, 6-2 to capture his first Indian Wells title and reclaim the World No. 1 ranking! @BNPPARIBASOPEN | #TennisParadise pic.twitter.com/H2mhr9JhB0
ലോക റാങ്കിങില്‍ ആറാം സ്ഥാനത്തുള്ള മെദ്‌വെദെവിനെതിരെ രണ്ട് സെറ്റ് മാത്രം നീണ്ട പോരാട്ടത്തില്‍ അനായാസ വിജയമാണ് അല്‍ക്കാരസ് നേടിയത്. മെദ്‌വെദെവിന്റെ 19 മത്സരങ്ങളിലെ അപരാജിത കുതിപ്പിനും അല്‍ക്കാരസ് ഫൈനലില്‍ വിരാമം കുറിച്ചു. സ്‌കോര്‍: 6-3, 6-2.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
