ഗ്ലാസ്ഗോ: കോമണ്വെല്ത്ത് ഗെയിംസ് വനിതാ ബോക്സിങില് ഇന്ത്യക്ക് സ്വര്ണം സമ്മാനിച്ച് പ്രീതി പവാറും പിന്നാലെ ജയ്സ്മിന് ലംബോറിയയും. ഫൈനലില് കാനഡയുടെ സ്കാര്ലറ്റ് ഡെല്ഗാഡോയെ വീഴ്ത്തിയാണ് പ്രീതിയുടെ നേട്ടം. വടക്കന് അയര്ലന്ഡ് താരം മിക്കേല വാല്ഷിനെ ഇടിച്ചിട്ടാണ് ജയ്സ്മിന്റെ നേട്ടം.
54 കിലോ വിഭാഗത്തിലാണ് പ്രീതിയുടെ വിജയം. ഫൈനലില് എതിരാളിയെ ഇടിച്ച് ഇഞ്ചപ്പരവുമാക്കി ഏകപക്ഷീയ വിജയമാണ് ഇന്ത്യന് താരം സ്വന്തമാക്കിയത്. 5-0ത്തിനാണ് ഇന്ത്യന് താരത്തിന്റെ സുവര്ണ നേട്ടം.
57 കിലോ വിഭാഗത്തിലാണ് ജയ്സ്മിന് വിജയം സ്വന്തമാക്കിയത്. താരവും 5-0ത്തിന്റെ ഏകപക്ഷീയ വിജയമാണ് സ്വന്തമാക്കിയത്.
കോമണ്വെല്ത്ത് ഗെയിംസില് കരിയറില് ആദ്യമാണ് 24കാരി പ്രീതി മത്സരിക്കാനിറങ്ങിയത്. നേരത്തെ 2022ല് താരം ഏഷ്യന് ഗെയിംസില് വെങ്കലം സ്വന്തമാക്കിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
