മുംബൈ: ദുലീപ് ട്രോഫി പോരാട്ടത്തിനുള്ള കിഴക്കന് മേഖല ടീമിനെ വിക്കറ്റ് കീപ്പര് ബാറ്റര് ഇഷാന് കിഷന് നയിക്കും. ആറ് മേഖലകളാക്കി തിരിച്ചുള്ള ദുലീപ് ട്രോഫി പോരാട്ടം ഈ സീസണ് മുതല് പുനരാരംഭിക്കുകയാണ്. പശ്ചിമ മേഖലാ ടീമിനെ കഴിഞ്ഞ ദിവസം പ്രഖ്യാപിച്ചിരുന്നു.
ഈ മാസം 28 മുതലാണ് ദുലീപ് ട്രോഫി പോരാട്ടങ്ങള് തുടങ്ങുന്നത്. നിലവില് ഇംഗ്ലണ്ട് പര്യടനത്തിലുള്ള ഇന്ത്യന് ടീമില് അംഗമായ അഭിമന്യു ഈശ്വരനാണ് ടീമിന്റെ വൈസ് ക്യാപ്റ്റന്.
പേസര് മുഹമ്മദ് ഷമിയും ടീമിലുണ്ട്. ഇടവേളയ്ക്കു ശേഷമാണ് താരം ആഭ്യന്തര റെഡ് ബോള് പോരാട്ടത്തില് തിരിച്ചെത്തുന്നത്. മുകേഷ് കുമാര്, ആകാശ് ദീപ് എന്നീ പേസര്മാരും കിഴക്കന് മേഖലാ ടീമിലുണ്ട്.
റിയാന് പരാഗ്, സ്പിന്നര് മനിഷി, വിരാട് സിങ് അടക്കമുള്ള യുവ താരങ്ങള്ക്കും ടീമില് ഇടമുണ്ട്. കൗമാര വിസ്മയം 14കാരന് വൈഭവ് സൂര്യവംശി സ്റ്റാന്ഡ് ബൈ താരമായും ടീമില് ഉള്പ്പെട്ടിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
