ലണ്ടന്‍: ടി20 ക്രിക്കറ്റില്‍ ഹാട്രിക്ക് വിക്കറ്റുകള്‍ വീഴ്ത്തി 17കാരന്‍ സ്പിന്നര്‍. ഇംഗ്ലണ്ട് താരവും സ്പിന്നറുമായ രഹാന്‍ അഹമദിന്റെ സഹോദരന്‍ ഫര്‍ഹാന്‍ അഹമദാണ് ഹാട്രിക്ക് ഉള്‍പ്പെടെ അഞ്ച് വിക്കറ്റുകള്‍ മത്സരത്തില്‍ വീഴ്ത്തിയത്. ടി20 ക്രിക്കറ്റില്‍ ഹാട്രിക്ക് നേടുന്ന ഏറ്റവും പ്രായം കുറഞ്ഞ താരങ്ങളുടെ പട്ടികയില്‍ താരം രണ്ടാം സ്ഥാനത്തുമെത്തി. ഹാട്രിക്ക് വിക്കറ്റുകള്‍ സ്വന്തമാക്കുമ്പോള്‍ 17 വയസും 147 ദിവസവുമാണ് ഫര്‍ഹാന്റെ പ്രായം.
ഇംഗ്ലണ്ടിലെ ടി20 ബ്ലാസ്റ്റിലാണ് താരത്തിന്റെ മികവുറ്റ ബൗളിങ്. നോട്ടിങ്ഹാംഷെയറിനായാണ് ഫര്‍ഹാന്‍ പന്തെറിഞ്ഞത്. ലങ്കാഷെയറിന്റെ മൂന്ന് താരങ്ങളെയാണ് ഫര്‍ഹാന്‍ തുടരെ മടക്കിയത്. മത്സരത്തില്‍ ആകെ 4 ഓവറില്‍ 25 റണ്‍സ് വഴങ്ങി താരം 5 വിക്കറ്റുകള്‍ സ്വന്തമാക്കി.
ഫര്‍ഹാന്റെ മികവില്‍ ലങ്കാഷെയറിനെ 126 റണ്‍സില്‍ ഓള്‍ ഔട്ടാക്കാനും നോട്ടിങ്ഹാംഷെയറിനു സാധിച്ചു. മത്സരത്തില്‍ അവര്‍ 4 വിക്കറ്റ് വിജയവും സ്വന്തമാക്കി.
ലങ്കാഷെയറിന്റെ അവസാന മൂന്ന് ബാറ്റര്‍മാരായ ലുക് വൂഡ്, ടോം അസ്പിന്‍വാള്‍, മിച്ചല്‍ സ്റ്റാന്‍ലി എന്നിവരെയാണ് താരം 20 ഓവറിലെ 4, 5, 6 പന്തുകളില്‍ പുറത്താക്കിയത്. നേരത്തെ ക്രിസ് ഗ്രീന്‍, കീറ്റന്‍ ജന്നിങ്‌സ് എന്നിവരുടെ വിക്കറ്റുകളും താരം വീഴ്ത്തിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
