ഹാമില്‍ട്ടന്‍: പരിക്ക് ഭേദമായി സമീപ കാലത്ത് തിരിച്ചെത്തിയ ന്യൂസിലന്‍ഡ് ക്യാപ്റ്റന്‍ കെയ്ന്‍ വില്ല്യംസനു വീണ്ടും തിരിച്ചടി. പാകിസ്ഥാനെതിരായ ടി20 പരമ്പരയിലെ അവസാന മൂന്ന് മത്സരങ്ങളില്‍ നിന്നു കെയ്ന്‍ വില്ല്യംസന്‍ പുറത്ത്. പരിക്കാണ് വീണ്ടും വില്ലനായത്.
രണ്ടാം ടി20യില്‍ ബാറ്റ് ചെയ്യുന്നതിനിടെ താരം റിട്ടയേര്‍ഡ് ഹര്‍ട്ടായി മടങ്ങിയിരുന്നു. തുടയിലെ ഞരമ്പിനേറ്റ പരിക്കാണ് വില്ല്യംസനു വിനയായത്. പരിക്ക് സാരമുള്ളതല്ലെന്നാണ് വിവരം.
താരത്തിന്റെ പിന്‍മാറ്റം ന്യൂസിലന്‍ഡ് ക്രിക്കറ്റ് അധികൃതര്‍ സ്ഥിരീകരിച്ചുണ്ട്. വരാനിരിക്കുന്ന ദക്ഷിണാഫ്രിക്കന്‍ പര്യടനത്തില്‍ വില്ല്യംസന്‍ തിരിച്ചെത്തുമെന്നു അധികൃതര്‍ വ്യക്തമാക്കി. അഞ്ച് മത്സരങ്ങളടങ്ങിയ പരമ്പരയില്‍ ആദ്യ രണ്ട് മത്സരങ്ങളും വിജയിച്ചു നില്‍ക്കുകയാണ് കിവികള്‍.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
