2024ല്‍ ഇന്ത്യന്‍ ടീമിനായി കൂടുതല്‍ വിക്കറ്റ് വീഴ്ത്തിയ താരമെന്ന റെക്കോര്‍ഡ് ജസ്പ്രീത് ബുംറയുടെ പേരിലാണ്. സൂപ്പര്‍ പേസര്‍മാരിലൊരാളായ ബുംറ ഈ വര്‍ഷം ഇതുവരെ 10 ടെസ്റ്റ് മത്സരങ്ങള്‍ കളിച്ചു. 49 വിക്കറ്റുകളാണ് വീഴ്ത്തിയത്. അവസാന മത്സരത്തില്‍ ഓസിസിനെതിരെ 8 വിക്കറ്റുകളാണ് ബുംറ നേടിയത്. 45 റണ്‍സിന് ആറ് വിക്കറ്റ് നേട്ടമാണ് മികച്ച പ്രകടനം. ഈ വര്‍ഷം ടെസ്റ്റില്‍ ഏറ്റവും അധികം വിക്കറ്റ് നേടിയ താരവും ബുംറയാണ്.
2024-ല്‍ ജസ്പ്രീത് ബുംറയ്ക്ക് ശേഷം ടീമിനായി ഏറ്റവും കൂടുതല്‍ വിക്കറ്റ് വീഴ്ത്തിയ താരം ആര്‍ അശ്വിനാണ്. മികച്ച ഇന്ത്യന്‍ സ്പിന്നര്‍മാരില്‍ ഒരാളായ അശ്വിന്‍ ഈ വര്‍ഷം ഇതുവരെ 10 ടെസ്റ്റ് മത്സരങ്ങള്‍ കളിച്ചു. 20 ഇന്നിംഗ്സുകളില്‍ നിന്നായി 46 വിക്കറ്റുകള്‍ നേടി. 88 റണ്‍സിന് 6 വിക്കറ്റ് വീഴ്ത്തിയതാണ് മികച്ച ബൗളിങ്.
ജസ്പ്രീത് ബുംറയും ആര്‍ അശ്വിനും കഴിഞ്ഞാല്‍ ഈവര്‍ഷം ഇന്ത്യന്‍ ടീമിനായി കൂടുതല്‍ വിക്കറ്റ് വീഴ്ത്തിയ മൂന്നാമത്തെ താരം രവീന്ദ്ര ജഡേജയാണ്. ഓള്‍റൗണ്ടറായ രവീന്ദ്ര ജഡേജ ഈ വര്‍ഷം ഇതുവരെ 10 ടെസ്റ്റ് മത്സരങ്ങള്‍ കളിച്ചു. 44 വിക്കറ്റുകള്‍ വീഴ്ത്തി. 41 റണ്‍സ് വഴങ്ങി 5 വിക്കറ്റ് നേട്ടമാണ് മികച്ച പ്രകടനം.
വിക്കറ്റ് നേട്ടത്തിന്റെ പട്ടികയില്‍ നാലാമത് പേസര്‍ മുഹമ്മദ് സിറാജ് ആണ്. ഈ വര്‍ഷം ഇതുവരെ സിറാജും പത്ത് ടെസ്റ്റ് മത്സരങ്ങളാണ് കളിച്ചത്. 24 വിക്കറ്റുകളാണ് സിറാജ് നേടിയത്. ദക്ഷിണാഫ്രിക്കയ്‌ക്കെതിരായ രണ്ടാം ടെസ്റ്റില്‍ 15 റണ്‍സിന് ആറ് വിക്കറ്റുകള്‍ നേടിയതാണ് ഈ വര്‍ഷത്തെ മികച്ച പ്രകടനം.
ഈ പട്ടികയിലെ അഞ്ചാമത്തെ താരം കുല്‍ദീപ് യാദവാണ്. ഇന്ത്യയുടെ സ്റ്റാര്‍ സ്പിന്നര്‍മാരില്‍ ഒരാളായ കുല്‍ദീപ് യാദവ്, ഈ വര്‍ഷം ഇതുവരെ 5 ടെസ്റ്റുകള്‍ മാത്രമേ കളിച്ചിട്ടുള്ളൂ. 10 ഇന്നിംഗ്സുകളില്‍ നിന്ന് 22 വിക്കറ്റ് വീഴ്ത്തി. 72 റണ്‍സ് വഴങ്ങി 6 വിക്കറ്റ് വീഴ്ത്തിയതാണ് മികച്ച ബൗളിങ് പ്രകടനം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
