ഹൈദരബാദ്: ന്യൂസിലന്‍ഡിനെതിരായ അദ്യഏകദിനത്തില്‍ ഇന്ത്യന്‍താരം ശുഭ്മാന്‍ ഗില്ലിന് സെഞ്ച്വറി. 87 പന്തില്‍ നിന്നാണ് ഗില്ലിന്റെ സെഞ്ച്വറി നേട്ടം.. 32 ഓവര്‍ പിന്നിടുമ്പോള്‍ ഇന്ത്യ നാല് വിക്കറ്റ് നഷ്ടത്തില്‍ 201 എന്ന നിലയിലാണ്.
105 റണ്‍സുമായി ശുഭ്മാന്‍ ഗില്ലും 5 റണ്‍സെടുത്ത് ഹാര്‍ദിക് പാണ്ഡ്യയുമാണ് ക്രീസില്‍. 15 ഫോറുകളും രണ്ട് സിക്‌സുകളും ഗില്ലിന്റെ സെഞ്ച്വറി നേട്ടത്തില്‍ ഉള്‍പ്പെടുന്നു. രോഹിത് ശര്‍മ 34 റണ്‍സിന് പുറത്തായി. പിന്നാലെ എത്തിയ വീരാട് കോഹ് ലിയെ ഇടംകയ്യന്‍ സ്പിന്നര്‍ മിച്ചല്‍ സാന്റനര്‍ പുറത്താക്കി. ഇഷാന്‍ കിഷന്‍ അഞ്ച് റണ്‍സും സൂര്യകുമാര്‍ യാദവ് 31 റണ്‍സും നേടി.
ടോസ് നേടിയ ഇന്ത്യന്‍ നായകന്‍ രോഹിത് ശര്‍മ്മ ബാറ്റിങ്ങ് തെരഞ്ഞെടുക്കുകയായിരുന്നുു. ഇന്ത്യന്‍ ഇലവനില്‍ ഇഷാന്‍ കിഷന്‍, വാഷിങ്ടണ്‍ സുന്ദര്‍, ശാര്‍ദൂല്‍ താക്കൂര്‍ എന്നിവര്‍ ഇടംപിടിച്ചു.രോഹിത് ശര്‍മ്മയും ശുഭ്മാന്‍ ഗില്ലുമാണ് ഓപ്പണര്‍മാര്‍. വിരാട് കോഹ്ലി, സൂര്യകുമാര്‍ യാദവ്, ഹാര്‍ദിക് പാണ്ഡ്യ, കുല്‍ദീപ് യാദവ്, മുഹമ്മദ് ഷമി, മുഹമ്മദ് സിറാജ് എന്നിവരാണ് ഇന്ത്യന്‍ ഇലവനിലുള്ള മറ്റു താരങ്ങള്‍.
വിക്കറ്റ് കീപ്പര്‍ ബാറ്റര്‍ ടോം ലാതത്തിന്റെ നേതൃത്വത്തിലാണ് ന്യൂസിലന്‍ഡ് കളിക്കാനിറങ്ങുന്നത്. ലാതവും ഫിന്‍ അലനുമാണ് ഓപ്പണര്‍മാര്‍. ക്യാപ്റ്റന്‍ കെയ്ന്‍ വില്യംസണും സിനിയര്‍ ബൗളര്‍ ടിം സൗത്തിക്കും ഏകദിന പരമ്പരയില്‍ കീവീസ് വിശ്രമം അനുവദിച്ചിരിക്കുകയാണ്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
