ഓപ്പൺ ചെയ്യാൻ സഞ്ജു, ടോസ് ജയിച്ച് ഇന്ത്യ; ഗ്രീന്‍ഫീല്‍ഡില്‍ ആദ്യം ബാറ്റിങ്

തിരുവനന്തപുരം: ഇന്ത്യയും ന്യൂസിലന്‍ഡും തമ്മിലുള്ള അഞ്ചാമത്തേയും അവസാനത്തേയും ടി20 പോരാട്ടം അല്‍പ്പ സമയത്തിനുള്ളില്‍. ടോസ് നേടി ഇന്ത്യ ആദ്യം ബാറ്റ് ചെയ്യാന്‍ തീരുമാനിച്ചു. തിരുവനന്തപുരം കാര്യവട്ടം ഗ്രീന്‍ഫീല്‍ഡ് സ്റ്റേഡിയത്തിലാണ് പോരാട്ടം. അക്ഷർ പട്ടേലും ഇഷാൻ കിഷനും ഇന്ത്യൻ ഇലവനിൽ തിരിച്ചെത്തി.

അഞ്ച് മത്സരങ്ങളടങ്ങിയ പരമ്പര ഇന്ത്യ നേരത്തെ തന്നെ സ്വന്തമാക്കിയിരുന്നു. 3-1നാണ് നിലവില്‍ ഇന്ത്യ മുന്നില്‍ നില്‍ക്കുന്നത്. നാലാം പോരാട്ടം ജയിച്ച് കിവികള്‍ നിരാശ മാറ്റിയാണ് ഇറങ്ങുന്നത്. അവസാന മത്സരം ജയിച്ച് ടി20 ലോകകപ്പിനു ആത്മവിശ്വാസത്തോടെ ഇറങ്ങുകയാണ് ഇന്ത്യ ലക്ഷ്യം വയ്ക്കുന്നത്.

ലോകകപ്പിനു മുന്‍പ് ഫോം വീണ്ടെടുക്കാന്‍ മലയാളി താരം സഞ്ജു സാംസണു കിട്ടുന്ന അവസാന അവസരമാണിത്. സഞ്ജു സ്വന്തം നാട്ടില്‍ ആദ്യമായി അന്താരാഷ്ട്ര മത്സരത്തിനിറങ്ങുന്നുവെന്ന സവിശേഷതയുമുണ്ട്. മത്സരത്തിന്റെ ടിക്കറ്റ് ഒറ്റദിവസംകൊണ്ട് മുഴുവന്‍ വിറ്റുതീര്‍ന്നിരുന്നു.