റായ്പുര്: ന്യൂസിലന്ഡിനെതിരായ രണ്ടാം ടി20യില് ഇന്ത്യ തകര്പ്പന് ജയം സ്വന്തമാക്കിയപ്പോള് ആ ജയത്തിനു റെക്കോര്ഡ് തിളക്കം. ടി20യില് ഏറ്റവും കൂടുതല് പന്തുകള് ബാക്കി നിര്ത്തിയുള്ള ഒരു ടീമിന്റെ ചെയ്സിങ് ജയമെന്ന റെക്കോര്ഡാണ് ഇന്ത്യ സ്വന്തമാക്കിയത്. 92 പന്തില് 209 റണ്സ് ലക്ഷ്യത്തിലെത്തിയ ഇന്ത്യ 28 പന്തുകള് ബാക്കി നിര്ത്തിയാണ് ജയിച്ചത്.
ബദ്ധവൈരികളായ പാകിസ്ഥാനെയാണ് ഇന്ത്യ റെക്കോര്ഡില് പിന്തള്ളിയത്. കഴിഞ്ഞ വര്ഷം ന്യൂസിലന്ഡിനെതിരെ തന്നെ പാകിസ്ഥാന് 24 പന്തുകള് ബാക്കി നിര്ത്തി മത്സരം ജയിച്ചിരുന്നു. അന്ന് പാകിസ്ഥാന്റെ ലക്ഷ്യം 205 റണ്സായിരുന്നു.
ടി20യില് ഇന്ത്യയുടെ ഏറ്റവും മികച്ച റെക്കോര്ഡ് ചെയ്സിങ് ജയമാണിത്. 2023ല് ഓസ്ട്രേലിയക്കെതിരേയും സമാന സ്കോര് ഇന്ത്യ മറികടന്നിട്ടുണ്ട്. സ്വന്തം റെക്കോര്ഡിനൊപ്പമാണ് ഇന്ത്യ എത്തിയത്. പന്തുകളുടെ അടിസ്ഥാനത്തില് നോക്കിയാല് ന്യൂസിലന്ഡിനെതിരായ വിജയമായിരിക്കും മുന്നില്.
200 താണ്ടി ജയം ആറാം തവണ
ടി20യില് ഇത് ആറാം തവണയാണ് ഇന്ത്യ 200 പ്ലസ് സ്കോര് പിന്തുടര്ന്നു ജയിക്കുന്നത്. ഈ റെക്കോര്ഡില് ഓസ്ട്രേലിയയ്ക്ക് തൊട്ടുപിന്നില് ഇന്ത്യയുണ്ട്. ഓസീസിന് 7 വിജയങ്ങള്. ഇന്ത്യയ്ക്കു 6 വിജയങ്ങള്. 5 ജയങ്ങളുമായി ദക്ഷിണാഫ്രിക്ക, 4 ജയങ്ങളുമായി പാകിസ്ഥാന്, 3 ജയങ്ങളുമായി ഇംഗ്ലണ്ട് എന്നിവയാണ് പട്ടികയിലെ മറ്റ് ടീമുകള്.
ഇന്ത്യയുടെ 200 പ്ലസ് ജയങ്ങള്
209, ന്യൂസിഡിനെതിരെ 2026ല്
209, ഓസ്ട്രേലിയക്കെതിരെ 2023ല്
208, വെസ്റ്റ് ഇന്ഡീസിനെതിരെ 2018ല്
207, ശ്രീലങ്കക്കെതിരെ 2009ല്
204 ന്യൂസിലന്ഡിനെതിരെ 2020ല്
202, ഓസ്ട്രേലിയക്കെതിരെ 2013ല്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
