ഡര്ബന്: ദക്ഷിണാഫ്രിക്ക വനിതാ ടീമിനെതിരെ രണ്ടാം ടി20 പോരാട്ടത്തില് പൊരുതാവുന്ന സ്കോറുയര്ത്തി ഇന്ത്യന് വനിതകള്. ടോസ് നേടി ദക്ഷിണാഫ്രിക്ക ഇന്ത്യയെ ബാറ്റിങിനു വിടുകയായിരുന്നു. ആദ്യം ബാറ്റ് ചെയ്ത ഇന്ത്യ നിശ്ചിത ഓവറില് 9 വിക്കറ്റ് നഷ്ടത്തില് 147 റണ്സ് സ്വന്തമാക്കി.
കരിയറിലെ 100ാം ടി20 മത്സരം കളിക്കാനിറങ്ങിയ ഓപ്പണര് ഷെഫാലി വര്മ നേട്ടം അവിശ്വസനീയമാക്കി. താരം അര്ധ സെഞ്ച്വറി നേടി ടീമിന്റെ ടോപ് സ്കോററായി. 38 പന്തില് 7 ഫോറും 2 സിക്സും സഹിതം ഷെഫാലി 57 റണ്സ് നേടി.
ഇന്ത്യന് ടി20 ടീമിനായി അരങ്ങേറ്റ മത്സരം കളിച്ച അനുഷ്ക ശര്മയാണ് പിടിച്ചു നിന്ന മറ്റൊരാള്. താരം 3 ഫോറുകള് സഹിതം 31 പന്തില് 28 റണ്സെടുത്തു. അരുന്ധതി റെഡ്ഡി 14 റണ്സെടുത്തും ശ്രീചരണി ഒരു സിക്സ് തൂക്കി 3 പന്തില് 7 റണ്സെടുത്തും സ്കോര് 147ല് എത്തിക്കുയായിരുന്നു.
ദക്ഷിണാഫ്രിക്കന് നിരയില് തുമി സെഖുഖുനെ, ക്ലോ ട്രിയോണ് എന്നിവര് 3 വീതം വിക്കറ്റുകള് വീഴ്ത്തി. നദീന് ക്ലാര്ക്, നോന്കുലുലേകോ മ്ലാബ എന്നിവര് ഓരോ വിക്കറ്റ് സ്വന്തമാക്കി.
