ചരിത്രത്തിലാദ്യമായി രാത്രി പകൽ ടെസ്റ്റിന് ഇന്ത്യൻ വനിതാ ടീം; എതിരാളി ഓസ്ട്രേലിയ

ബിസിസിഐ സെക്രട്ടറി ജയ് ഷായാണ് ഇക്കാര്യം വ്യക്തമാക്കിയത്. ഓസ്ട്രേലിയൻ പര്യടനത്തിലായിരിക്കും ഇന്ത്യൻ ടീമിന്റെ ആദ്യ പിങ്ക് ബോൾ ടെസ്റ്റ്
ഇന്ത്യൻ വനിതാ ടീം/ ട്വിറ്റർ
ഇന്ത്യൻ വനിതാ ടീം/ ട്വിറ്റർ
Updated on: 
1 min read

ന്യൂ‍ഡൽഹി: ഇന്ത്യൻ വനിതാ ക്രിക്കറ്റ് ടീം തങ്ങളുടെ ആദ്യ രാത്രി പകൽ ടെസ്റ്റ് ഈ വർഷം കളിക്കും. ബിസിസിഐ സെക്രട്ടറി ജയ് ഷായാണ് ഇക്കാര്യം വ്യക്തമാക്കിയത്. ഓസ്ട്രേലിയൻ പര്യടനത്തിലായിരിക്കും ഇന്ത്യൻ ടീമിന്റെ ആദ്യ പിങ്ക് ബോൾ ടെസ്റ്റ്. 

ഈ വർഷം അവസാനമാണ് ഇന്ത്യയുടെ ഓസ്ട്രേലിയൻ പര്യടനം. നിലവിൽ ഇം​ഗ്ലണ്ട് പര്യടനത്തിന് ഒരുങ്ങുകയാണ് ഇന്ത്യൻ വനിതാ ടീം. ഇം​ഗ്ലണ്ടിലേക്ക് പറക്കുന്നതിന് മുൻപായി മുംബൈയിൽ ക്വാറന്റൈൻ ആരംഭിച്ചു. ഒരു ടെസ്റ്റും മൂന്ന് ഏകദിനവും മൂന്ന് ടി20യുമാണ് ഇം​ഗ്ലണ്ടിൽ ഇന്ത്യൻ ടീം കളിക്കുന്നത്. 

ഓസ്ട്രേലിയക്കെതിരെ ഇന്ത്യ രാത്രി പകൽ ടെസ്റ്റ് കളിച്ചാൽ വനിതാ ക്രിക്കറ്റ് ചരിത്രത്തിലെ രണ്ടാമത്തെ മാത്രം രാത്രി പകൽ മത്സരമാവും ഇത്. 2017ൽ സിഡ്നിയിൽ ഇം​ഗ്ലണ്ടും ഓസ്ട്രേലിയയും തമ്മിലായിരുന്നു ആദ്യത്തേത്. 2006ന് ശേഷം ആദ്യമായാണ് ഇന്ത്യൻ വനിതാ ടീം ഇം​ഗ്ലണ്ടിൽ ടെസ്റ്റ് കളിക്കാനായി പോവുന്നത്. 

9 ടെസ്റ്റുകളാണ് ഇതുവരെ ഇന്ത്യയും ഓസ്ട്രേലിയയും തമ്മിൽ കളിച്ചത്. അതിൽ 4 വട്ടം ഓസ്ട്രേലിയ ജയിച്ചു കയറി. 5 ടെസ്റ്റുകൾ സമനിലയിലായി. ഒരു വർഷം തന്നെ ഇന്ത്യ രണ്ട് ടെസ്റ്റുകൾ കളിക്കുന്നത് 2014ന് ശേഷം ആദ്യവുമാണ്. 

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

X

FOLLOW US

ON GOOGLE DISCOVER