നവി മുംബൈ: വനിതാ ലോകകപ്പ് ഫൈനലില്‍ ദക്ഷിണാഫ്രിക്കയ്‌ക്കെതിരെ മിന്നും തുടക്കമിട്ട് ഇന്ത്യ. മഴയെ തുടര്‍ന്നു വൈകി തുടങ്ങിയ കലാശപ്പോരാട്ടത്തില്‍ ആദ്യം ബാറ്റ് ചെയ്യുന്ന ഇന്ത്യ 2 വിക്കറ്റ് നഷ്ടത്തില്‍ 166 റണ്‍സെന്ന നിലയില്‍. ടോസ് നേടി ദക്ഷിണാഫ്രിക്ക ബൗളിങ് തിരഞ്ഞെടുത്തു. ഇന്ത്യ സെമി കളിച്ച ടീമിനെ നിലനിര്‍ത്തി.
ഓപ്പണര്‍ ഷഫാലി വര്‍മ നിര്‍ണായക പോരാട്ടത്തില്‍ ഫോമിലേക്ക് ഉയര്‍ന്നത് ഇന്ത്യക്ക് കരുത്തായി. താരം ലോകകപ്പ് ഫൈനലില്‍ അര്‍ധ സെഞ്ച്വറി നേടി. സെഞ്ച്വറിയിലേക്ക് കുതിക്കുകയായിരുന്ന ഷഫാലി 87 റൺസിൽ വീണു. താരം 7 ഫോറും 2 സിക്സും സഹിതം 78 പന്തുകൾ നേരിട്ടാണ് സെഞ്ച്വറിക്കരികിലെത്തിയത്. സെമിയില്‍ ഹീറോയായ ജെമിമ റോഡ്രിഗ്‌സാണ് ക്രീസില്‍. ജെമി 23 റണ്‍സുമായി നില്‍ക്കുന്നു.
ഇന്ത്യക്ക് ഓപ്പണര്‍ സ്മൃതി മന്ധാനയുടെ വിക്കറ്റാണ് ആദ്യം നഷ്ടമായത്. താരം 58 പന്തില്‍ 8 ഫോറുകള്‍ സഹിതം 45 റണ്‍സെടുത്തു.
ആദ്യം ബാറ്റിങ് തുടങ്ങിയ ഇന്ത്യക്കായി മികച്ച തുടക്കമാണ് സ്മൃതി- ഷഫാലി സഖ്യം നല്‍കിയത്. അതിവേഗം റണ്‍സ് സ്‌കോര്‍ ചെയ്ത സഖ്യം സെഞ്ച്വറി കൂട്ടുകെട്ടുയര്‍ത്തിയ ശേഷമാണ് പിരിഞ്ഞത്. സ്‌കോര്‍ 104ല്‍ നില്‍ക്കെയാണ് സ്മൃതിയുടെ മടക്കം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
