മുംബൈ: ടോക്യോ ഒളിംപിക്സിന് ദിവസങ്ങൾ മാത്രം ശേഷിക്കെ ഇന്ത്യൻ ടീമിന്റെ ശ്രമങ്ങൾക്ക് ഊർജ്ജം പകർന്ന് ഇന്ത്യൻ ക്രിക്കറ്റ് കൺ‌ട്രോൾ ബോർഡ്. ഒളിംപിക്സിന് ഒരുങ്ങുന്ന ഇന്ത്യൻ ടീമിന് ബിസിസിഐ 10 കോടി രൂപ നൽകും. ഒളിംപിക്സ് മുന്നൊരുക്കങ്ങൾക്കായാണ് പണം നൽകുക.
ഇന്നലെ ചേർന്ന ബിസിസിഐ അപക്‌സ് കൗൺസിലിലാണ് തീരുമാനം എടുത്തത്. കായിക മന്ത്രാലയത്തിൻറെ അഭ്യർഥന പരിഗണിച്ചാണ് ബിസിസിഐ തീരുമാനം. ടോക്യോയിൽ മത്സരിക്കുന്ന എല്ലാ അത്‌ലറ്റുകൾക്കും ബിസിസിഐ ആശംസകൾ നേർന്നു.
കൊവിഡ് മഹാമാരിയെ തുടർന്ന് പ്രതിസന്ധിയിലായ ആഭ്യന്തര ക്രിക്കറ്റ് താരങ്ങളുടെ നഷ്‌ടപരിഹാരം സംബന്ധിച്ച് തീരുമാനമെടുക്കാൻ ഒരു സമിതിയെ നിയമിക്കാനും അപക്‌സ് കൗൺസിൽ തീരുമാനമെടുത്തു. എത്രയും വേഗം ഇതിനുള്ള നടപടിക്രമങ്ങൾ സ്വീകരിക്കാൻ അപക്‌സ് കൗൺസിൽ നിർദേശം നൽകി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
