കൊൽക്കത്തയെ എറിഞ്ഞുവീഴ്ത്തി; ഡൽഹിക്ക് വിജയലക്ഷ്യം 128 റൺസ്

ഡൽഹി: ഐപിഎല്ലിൽ പോയിന്റ് പട്ടികയിൽ പത്താം സ്ഥാനത്ത് തുടരുന്ന ഡൽഹി ക്യാപിറ്റൽസിന് കൊൽക്കത്തയ്ക്ക് എതിരായ മത്സരത്തിൽ വിജയലക്ഷ്യം 128 റൺസ്. കൊൽക്കത്ത നിശ്ചിത ഓവറിൽ 127 റൺസ് എടുത്ത് ഓൾ ഔട്ടായി.  ഓപ്പണർ ജേസൺ റോയി ആണ് കൊൽക്കത്തയുടെ ടോപ്സ്കോറർ. 39 പന്തിൽ നിന്ന് 43 റൺസ് നേടി. ഇതിൽ 5 ഫോറും ഒരു സിക്സും ഉൾപ്പെടുന്നു. 

ജേസൺ റോയിക്കൊപ്പം ഇറങ്ങിയ ബം​ഗ്ലാദശ് താരം ലിട്ടൺ ദാസ് നാല് റൺസിന് പുറത്തായി. കഴിഞ്ഞ മത്സരത്തിൽ തകർത്തടിച്ച വെങ്കിടേഷ് അയ്യർ ഇത്തവണ പൂജ്യത്തിന് പുറത്തായി. ക്യാപ്റ്റൻ നീതിഷ് റാണ വന്ന സ്പീഡിൽ തിരികെ പോയി. ഏഴ് പന്തിൽ നിന്ന് നാല് റൺസ് മാത്രമായിരുന്നു റാണയുടെ സമ്പാദ്യം.

മൻദീപ് സിങ് 12, റിങ്കുസിങ് 6, സുനിൽ നരെയ്ൻ 4 റൺസ് നേടി. ക്യാപ്റ്റൻ ആന്ദ്രേ റസ്സലിന്റെ അവസരോചിതമായ ബാറ്റിങാണ് മൂന്നക്കം കടക്കാൻ ടീമിന് സഹായകമായത്. 37 റൺസ് നേടിയ ശേഷമാണ് താരം കളംവിട്ടത്. അനുകൂൽ റോയ് ആദ്യപന്തിൽ തന്നെ പുറത്തായി. പിന്നാലെ വന്ന ഉമേഷ് യാദവും മൂന്ന് റൺസിന് പുറത്തായി. 

അക്സർ പട്ടേലും ഇഷാന്ത് ശർമയുമാണ് ഡൽ​ഹിക്കായി മികച്ച ബൗളിങ് പുറത്തെടുത്തത്. മൂന്ന് ഓവറിൽ 13 റൺസ് മാത്രം വിട്ടുനൽകി അക്സർ രണ്ട് വിക്കറ്റുകൾ വീഴ്ത്തി. ഇഷാന്ത് ശർമ നാല് ഓവറിൽ 19 റൺസ് വഴങ്ങി രണ്ടുവിക്കറ്റുകൾ വീഴ്ത്തി. 

ഈ വാർത്ത കൂടി വായിക്കൂ 

ഡൽഹി ക്യാപിറ്റൽസ് താരങ്ങളുടെ ക്രിക്കറ്റ് കിറ്റുകൾ മോഷണം പോയി, 16 ലക്ഷം രൂപയുടെ നഷ്ടം

 സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ