മുബൈ: ഐപിഎൽ 16ാം സീസണിലെ ഫൈനൽ പോരാട്ടത്തിന്റേയും ഒന്ന്, രണ്ട് ക്വാളിഫയർ, എലിമിനേറ്റർ പോരാട്ടങ്ങളുടേയും വേദികൾ പ്രഖ്യാപിച്ച് ബിസിസിഐ. മെയ് 23 മുതൽ 28 വരെയുള്ള ദിവസങ്ങളിലാണ് പ്ലേ ഓഫ് മത്സരങ്ങൾ.
ഐപിഎൽ ഫൈനൽ അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ അരങ്ങേറും. രണ്ടാം ക്വാളിഫയർ പോരാട്ടവും അഹമ്മദാബാദിൽ തന്നെ നടക്കും.
ഒന്നാം ക്വാളിഫയർ, എലിമിനേറ്റർ പോരാട്ടങ്ങൾ ചെന്നൈയിൽ അരങ്ങേറും. ചെപ്പോക്കിലെ എംഎ ചിദംബരം സ്റ്റേഡിയത്തിലാണ് പോരാട്ടങ്ങൾ.
മെയ് 23നാണ് ഒന്നാം ക്വാളിഫയർ പോരാട്ടം. 24ന് എലിമിനേറ്റർ പോരാട്ടവും നടക്കും. രണ്ടാം ക്വാളിഫയർ പോരാട്ടം 26നും ഫൈനൽ 28നും അരങ്ങേറും.
ഇത്തവണത്തെ ഉദ്ഘാടന മത്സരത്തിനും വേദിയായത് അഹമ്മദാബാദാണ്. കഴിഞ്ഞ സീസണിലും ഫൈനൽ നരേന്ദ്ര മോദി സ്റ്റേഡിയത്തിൽ തന്നെയായിരുന്നു.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
