ധരംശാല: റോയല്‍ ചലഞ്ചേഴ്‌സ് ബംഗളൂരുവും പഞ്ചാബ് കിങ്‌സും തമ്മിലുള്ള ഐപിഎല്‍ പോരാട്ടം മഴയെ തുടര്‍ന്നു നിര്‍ത്തി. ടോസ് നേടി പഞ്ചാബ് ബൗളിങ് തിരഞ്ഞെടുക്കുകയായിരുന്നു.
ബാറ്റിങിനു ഇറങ്ങിയ ബംഗളൂരു പത്തോവറില്‍ മൂന്ന് വിക്കറ്റ് നഷ്ടത്തില്‍ 119 റണ്‍സെന്ന നിലയില്‍ നില്‍ക്കെയാണ് മഴ തുടങ്ങിയത്.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
ബംഗളൂരുവിനായി രജത് പടിദാര്‍ അര്‍ധ സെഞ്ച്വറി നേടി മടങ്ങി. താരം 23 പന്തില്‍ ആറ് സിക്‌സും മൂന്ന് ഫോറും സഹിതം 55 റണ്‍സെടുത്തു മടങ്ങി. കളി നിര്‍ത്തുമ്പോള്‍ 23 പന്തില്‍ 42 റണ്‍സുമായി വിരാട് കോഹ്‌ലി ക്രീസില്‍ നില്‍ക്കുന്നു. രണ്ട് സിക്‌സും നാല് ഫോറും സഹിതമാണ് കോഹ്‌ലി ബാറ്റിങ് തുടരുന്നത്.
ക്യാപ്റ്റന്‍ ഫാഫ് ഡുപ്ലെസി (9), വില്‍ ജാക്‌സ് (12) എന്നിവരാണ് പുറത്തായ മറ്റ് താരങ്ങള്‍. പഞ്ചാബിനായി വിദ്വത് കവേരപ്പ രണ്ട് വിക്കറ്റുകള്‍ നേടി. സാം കറന്‍ ഒരു വിക്കറ്റെടുത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
