ന്യൂഡല്ഹി: പരിക്കേറ്റ് വിശ്രമിക്കുന്ന ഓസ്ട്രേലിയന് പേസര് മിച്ചല് സ്റ്റാര്ക്കിന്റെ സേവനം ലഭിക്കാന് ഡല്ഹി ക്യാപിറ്റല്സ് ഇനിയും കാത്തിരിക്കണം. ചുരുങ്ങിയത് മൂന്ന് മത്സരങ്ങള്ക്കു ശേഷമേ താരം ടീമിനൊപ്പം ചേരു എന്നാണ് ഏറ്റവും പുതിയ വിവരം.
ഈ മാസം 20ഓടെയായിരിക്കും ഐപിഎല്ലിലേക്കുള്ള സ്റ്റാര്ക്കിന്റെ തിരിച്ചു വരവ്. അതിനു മുന്പ് ഡല്ഹി മൂന്ന് മത്സരങ്ങള് കളിക്കുന്നുണ്ട്. നാളെ ഗുജറാത്ത് ടൈറ്റന്സുമായും 11നു ചെന്നൈ സൂപ്പര് കിങ്സുമായും 18നു റോയല് ചലഞ്ചേഴ്സ് ബംഗളൂരുമായുമാണ് ഡല്ഹിയുടെ പോരാട്ടങ്ങള്. ഇതിനു ശേഷമായിരിക്കും സ്റ്റാര്ക്കിന്റെ മടങ്ങി വരവ്.
സീസണില് ഡല്ഹിയുടെ തുടക്കം പോസിറ്റീവാണ്. ആദ്യ മത്സരത്തില് ലഖ്നൗ സൂപ്പര് ജയന്റ്സിനേയും രണ്ടാം പോരില് മുംബൈ ഇന്ത്യന്സിനേയും ഡല്ഹി വീഴ്ത്തി. സ്റ്റാര്ക്കിന്റെ അഭാവത്തിലും അവരുടെ പേസ് നിര മികവോടെ പന്തെറിയുന്നു.
ലുന്ഗി എന്ഗിഡി, മുകേഷ് കുമാര്, ടി നടരാജന് എന്നിവര് വൈവിധ്യം കൊണ്ടുവരുന്നു. സ്പിന്നില് ക്യാപ്റ്റന് അക്ഷര് പട്ടേലും കുല്ദീപ് യാദവും വിപ്രജ് നിഗം എന്നിവരും ഫോമില് തന്നെ.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
