ബംഗളൂരു: ഐപിഎല്ലിലെ ഇന്നത്തെ രണ്ടാം പോരാട്ടത്തില് ചെന്നൈ സൂപ്പര് കിങ്സിനു മുന്നില് കൂറ്റന് ലക്ഷ്യം വച്ച് നിലവിലെ ചാംപ്യന്മാരായ റോയല് ചലഞ്ചേഴ്സ് ബംഗളൂരു. ടോസ് നേടി ചെന്നൈ ബൗളിങ് തിരഞ്ഞെടുക്കുകയായിരുന്നു. ബാറ്റിങിനു ഇറങ്ങിയ ആര്സിബി നിശ്ചിത ഓവറില് 3 വിക്കറ്റ് മാത്രം നഷ്ടത്തില് അടിച്ചെടുത്തത് 250 റണ്സ്.
ബാറ്റെടുത്തവരെല്ലാം കൂറ്റനടികളുമായി കളം വാണതോടെയാണ് അവര് കൂറ്റന് സ്കോറിലെത്തിയത്. എല്ലാവരും സിക്സുകളും തൂക്കി. 19 സിക്സുകളാണ് സ്വന്തം തട്ടകത്തില് ആര്സിബി ബാറ്റര്മാര് അടിച്ചെടുത്തത്.
ടി ഡേവിഡാണ് വന് ആക്രമണം അഴിച്ചുവിട്ടത്. ജാമി ഓവര്ടന് എറിഞ്ഞ 19ാം ഓവറില് 30 റണ്സാണ് ടിം ഡേവിഡ് വാരിയത്. 6, 2, 4, 6, 6, 6 ആണ് ഈ ഓവറില് ഡേവിഡ് തൂക്കിയത്. ക്യാപ്റ്റന് രജത് പടിദാറും സമാന മൂഡിലായിരുന്നു.
ടിം ഡേവിഡ് 25 പന്തില് 70 റണ്സ് അടിച്ചെടുത്തു. താരം 8 സിക്സും 3 ഫോറും സഹിതമാണ് 70ല് എത്തിയത്. പടിദാര് 19 പന്തില് 6 സിക്സും ഒരു ഫോറും സഹിതം 48 റണ്സും സ്വന്തമാക്കി. ഇരുവരും പുറത്താകാതെ നിന്നു.
ഓപ്പണര് ഫില് സാള്ട്ട് 30 പന്തില് 2 സിക്സും 3 ഫോറും സഹിതം 46 റണ്സ് നേടി. വിരാട് കോഹ്ലി 18 പന്തില് 2 ഫോറും ഒരു സിക്സും സഹിതം 28 റണ്സ് നേടി. ദേവ്ദത്ത് പടിക്കലും അര്ധ സെഞ്ച്വറി നേടി. താരം 29 പന്തില് 5 ഫോറും 2 സിക്സും സഹിതം 50 റണ്സ് വാരി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
