സഞ്ജുവിന്റെ പോരാട്ടം പാഴായി; കൊല്‍ക്കത്തയ്ക്ക് തകർപ്പൻ വിജയം

മുംബൈ: ഐപിഎല്ലില്‍ രാജസ്ഥാന്‍ റോയല്‍സിന് തോല്‍വി. കൊല്‍ക്കത്ത നൈറ്റ് റൈഡേഴ്‌സ് ഏഴു വിക്കറ്റിനാണ് രാജസ്ഥാനെ പരാജയപ്പെടുത്തിയത്. രാജസ്ഥാന്‍ മുന്നോട്ടുവെച്ച 153 റണ്‍സ് വിജയലക്ഷ്യം പിന്തുടര്‍ന്ന കൊല്‍ക്കത്ത 19.1 ഓവറില്‍ മൂന്ന് വിക്കറ്റ് നഷ്ടത്തില്‍ ലക്ഷ്യം കണ്ടു. 

48 റണ്‍സെടുത്ത നിതീഷ് റാണ, 42 റണ്‍സെടുത്ത റിങ്കു സിങ് എന്നിവരുടെ മികച്ച പ്രകടനമാണ് കൊല്‍ക്കത്തയുടെ വിജയത്തില്‍ നിര്‍ണായകമായത്. കൊല്‍ക്കത്ത നായകന്‍ ശ്രേയസ് അയ്യര്‍ 34 റണ്‍സെടുത്തു. ആരോണ്‍ ഫിഞ്ച്, ബാബ ഇന്ദ്രജിത്ത്, ശ്രേയസ് എന്നിവരുടെ വിക്കറ്റുകളാണ് കൊല്‍ക്കത്തയ്ക്ക് നഷ്ടമായത്. 

ആദ്യം ബാറ്റ് ചെയ്ത രാജസ്ഥാന്‍ റോയല്‍സ്  20 ഓവറിൽ 5 വിക്കറ്റ് നഷ്ടത്തിൽ 152 റൺസെടുത്തു. അർദ്ധസെഞ്ച്വറിയോടെ ഫോം വീണ്ടെടുത്ത മലയാളി താരം സഞ്ജു സാംസന്റെ മികവിലാണ് രാജസ്ഥാൻ മികച്ച സ്കോർ നേടിയത്. 38 പന്തിൽ അർധശതകം തികച്ച സഞ്ജു 54 റൺസെടുത്തു.  അവസാന ഓവറുകളിൽ വിൻഡീസ് താരം ഷിമ്രോൺ ഹെറ്റ്മെയർ (13 പന്തിൽ 27 റൺസ്)  വെടിക്കെട്ട് ബാറ്റിങ്ങാണ് നടത്തിയത്.  

ഈ വാര്‍ത്ത കൂടി വായിക്കാം

'ചാമ്പ്യന്‍ കേരളം'; സന്തോഷ് ട്രോഫി കിരീടം കേരളത്തിന്

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ