കൊച്ചി: ഐസ്എല്ലില് കേരള ബ്ലാസ്റ്റേഴ്സിനു ഹാട്രിക്ക് ജയം. കൊച്ചി ജവഹര്ലാല് നെഹ്റു സ്റ്റേഡിയത്തില് പട്ടികയിലെ അവസാന സ്ഥാനക്കാരായ മുഹമ്മദന് എസ്സിയെ ബ്ലാസ്റ്റേഴ്സ് 3-1നു വീഴ്ത്തി. സീസണില് ടീമിന്റെ നാലാം വിജയമാണിത്. അപരാജിതരായി തുടരെ അഞ്ച് മത്സരങ്ങളും ബ്ലാസ്റ്റേഴ്സ് പൂര്ത്തിയാക്കി. ജയത്തോടെ പോയിന്റ് പട്ടികയില് ബ്ലാസ്റ്റേഴ്സ് എട്ടാം സ്ഥാനത്ത്.
ഫ്രാന്സിസ്കോ ഫ്യുല്ലസിയര്, വിക്ടര് ബെര്തോമ്യു, ശ്രീക്കുട്ടന് എംഎസ് എന്നിവര് നേടിയ ഗോളുകളാണ് ജയം നിര്ണയിച്ചത്. ഒരു ഗോളിനു പിന്നില് നിന്ന ശേഷമാണ് ബ്ലാസ്റ്റേഴ്സ് മൂന്ന് ഗോളുകള് അടിച്ചു കയറ്റി വിജയം പിടിച്ചത്.
കളിയുടെ 42ാം മിനിറ്റില് റോയ് മഹിതോഷ് നേടിയ ഗോളിലാണ് മുഹമ്മദന് മുന്നിലെത്തിയത്. രണ്ട് മിനിറ്റിനുള്ളില് തന്നെ കൊമ്പന്മാര് വമ്പു കാണിച്ചു. 44ാം മിനിറ്റില് ഫ്യുല്ലസിയര് സമനില സമ്മാനിച്ചു. രണ്ടാം പകുതിയിലാണ് ശേഷിച്ച രണ്ട് ഗോളുകള് വന്നത്. 59ല് ബെര്തോമ്യുവും 74ല് ശ്രീക്കുട്ടനും പട്ടിക തികച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
