വിശാഖപട്ടണം: ഇംഗ്ലണ്ടിനെതിരായ ഒന്നാം ക്രിക്കറ്റ് ടെസ്റ്റില്‍ തോല്‍വി വഴങ്ങിയതിനു പിന്നാലെ ഇന്ത്യക്ക് മറ്റൊരു തിരിച്ചടി. പരിക്കേറ്റ സ്പിന്‍ ഓള്‍ റൗണ്ടര്‍ രവീന്ദ്ര ജഡേജയ്ക്ക് രണ്ടാം ടെസ്റ്റ് നഷ്ടമായേക്കും.
തുടയ്‌ക്കേറ്റ പരിക്കാണ് ജഡേജയ്ക്ക് വിനയായി മാറിയിരിക്കുന്നത്. നടക്കാന്‍ ബുദ്ധിമുട്ടുള്ള താരത്തിനു ഡോക്ടര്‍മാര്‍ വിശ്രമം നിര്‍ദ്ദേശിച്ചിട്ടുണ്ട്.
ജഡേജയ്ക്ക് പകരം കുല്‍ദീപ് യാദവ് അന്തിമ ഇലവനിലേക്ക് എത്തിയേക്കും.
ഒന്നാം ടെസ്റ്റില്‍ ഇന്ത്യയുടെ ഒന്നാം ഇന്നിങ്‌സില്‍ ജഡേജയാണ് ടോപ് സ്‌കോററായത്. താരം 87 റണ്‍സെടുത്തു. ഇംഗ്ലണ്ടിന്റെ ഒന്നാം ഇന്നിങ്‌സില്‍ മൂന്ന് വിക്കറ്റുകളും ജഡേജ വീഴ്ത്തി. രണ്ടാം ഇന്നിങ്‌സില്‍ രണ്ട് വിക്കറ്റുകളും സ്വന്തമാക്കി.
ജഡേജയ്ക്ക് പകരം കുല്‍ദീപ് യാദവ് അന്തിമ ഇലവനിലേക്ക് എത്തിയേക്കും. എങ്കിലും ജഡേജയുടെ ബാറ്റിങ് മികവും ഫീല്‍ഡിങ് മികവും ഇന്ത്യക്ക് വലിയ നഷ്ടമാണ് ഉണ്ടാക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
