മെല്ബണ്: ഓസ്ട്രേലിയന് ഓപ്പണ് ടെന്നീസ് പോരാട്ടത്തില് നിലവിലെ ചാംപ്യന് ഇറ്റലിയുടെ യാനിക് സിന്നര് ക്വാര്ട്ടറിലേക്ക് മുന്നേറി. പ്രീ ക്വാര്ട്ടറില് സ്വന്തം നാട്ടുകാരന് തന്നെയായ ഇറ്റലിയുടെ ലുസിയാനോ ഡാര്ഡെറിയെ വീഴ്ത്തിയാണ് സിന്നറുടെ മുന്നേറ്റം.
മൂന്ന് സെറ്റ് നീണ്ട പോരിലാണ് സിന്നര് ജയിച്ചു കയറിയത്. സ്കോര്: 1-6, 3-6, 6-7 (2-7).
മൂന്നാം സെറ്റില് മാത്രമാണ് ഡാര്ഡെറി സിന്നര്ക്ക് വെല്ലുവിളി തീര്ത്തത്. എന്നാല് ടൈബ്രേക്കറിലേക്ക് നീണ്ട പോരില് സിന്നര് വിജയം സ്വന്തമാക്കി.
തുടര്ച്ചയായി 9ാം ഗ്രാന്ഡ് സ്ലാം പോരാട്ടത്തിന്റെ ക്വാര്ട്ടറിലേക്കാണ് സിന്നറുടെ മുന്നേറ്റം. റെക്കോര്ഡില് താരം ഇതിഹാസ താരങ്ങളായ അമേരിക്കയുടെ പീറ്റ് സാംപ്രസ്, സെര്ബിയയുടെ നൊവാക് ജോക്കോവിച് എന്നിവര്ക്കൊപ്പമെത്തി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
