തിരുവനന്തപുരം: തുടരെ രണ്ടാം മത്സരത്തിലും അര്‍ധ സെഞ്ച്വറിയുമായി മുന്നില്‍ നിന്നു നയിച്ച് കൃഷ്ണ പ്രസാദ്. ക്യാപ്റ്റന്റെ ബാറ്റിങ് മികവില്‍ ആലപ്പി റിപ്പിള്‍സിനു മുന്നില്‍ പൊരുതാവുന്ന സ്‌കോര്‍ വച്ച് ട്രിവാന്‍ഡ്രം റോയല്‍സ്. കേരള ക്രിക്കറ്റ് ലീഗില്‍ ടോസ് നേടി ആലപ്പി ബൗളിങ് തിരഞ്ഞെടുക്കുകയായിരുന്നു. നിശ്ചിത ഓവറില്‍ റോയല്‍സ് 5 വിക്കറ്റ് നഷ്ടത്തില്‍ 178 റണ്‍സ് അടിച്ചെടുത്തു.
കൃഷ്ണ പ്രസാദ് 53 പന്തില്‍ 3 സിക്‌സും 4 ഫോറും സഹിതം 67 റണ്‍സുമായി പുറത്താകാതെ നിന്നു. 4 സിക്‌സുകള്‍ സഹിതം 31 പന്തില്‍ 44 റണ്‍സ് വാരിയ നിഖില്‍ എം, 22 പന്തില്‍ 3 സിക്‌സും ഒരു ഫോറും സഹിതം 31 റണ്‍സെടുത്ത അബ്ദുല്‍ ബാസിത് എന്നിവര്‍ ക്യാപ്റ്റനെ പിന്തുണച്ചു. 4 പന്തില്‍ രണ്ടണ്ണം സിക്‌സിലേക്ക് പായിച്ച് അഭിജിത് പ്രവീണും സ്‌കോറിലേക്ക് നിര്‍ണായക സംഭാവന നല്‍കി.
ആലപ്പിക്കായി ആദിത്യ ബൈജു രണ്ട് വിക്കറ്റെടുത്തു. എന്‍ ബാസില്‍, ജലജ് സക്‌സേന എന്നിവര്‍ ഓരോ വിക്കറ്റും വീഴ്ത്തി.
തുടരെ രണ്ട് മത്സരങ്ങള്‍ തോറ്റു നില്‍ക്കുന്ന ആലപ്പി ലീഗിലെ ആദ്യ വിജയമാണ് നോക്കുന്നത്. കഴിഞ്ഞ മത്സരത്തില്‍ പരാജയം അറിഞ്ഞ ട്രിവാവന്‍ഡ്രം റോയല്‍സും വിജയമാണ് പ്രതീക്ഷിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
