ഒമാൻ ടീമിനെതിരെ ടി20 കളിക്കാൻ കേരള ടീം; സാലി സാംസൺ ക്യാപ്റ്റൻ

തിരുവനന്തപുരം: ഒമാൻ ദേശീയ ടീമുമായി ടി20 ക്രിക്കറ്റിൽ പരിശീലന മത്സരം കളിക്കാൻ കേരളം. ഈ മാസം 22 മുതൽ 25 വരെ മൂന്ന് മത്സരങ്ങളാണ് ടീം കളിക്കുക. കേരള ടീമിനെ സഞ്ജു സാംസണിന്റെ സഹോദരൻ സാലി സാംസൺ നയിക്കും. കേരള ക്രിക്കറ്റ് ലീ​ഗിൽ ഇത്തവണ കിരീടം നേടിയ കൊച്ചി ബ്ലു ടൈ​ഗേഴ്സിനെ കിരീട നേട്ടത്തിലേക്ക് നയിച്ച മികവാണ് സാലിക്ക് നായക സ്ഥാനത്തേക്ക് വഴി തുറന്നത്.

പരിശീലന ക്യാംപ് തൊടുപുഴ കെസിഎ സ്റ്റേഡിയത്തിൽ ചൊവ്വാഴ്ച മുതൽ ആരംഭിക്കും. 20നു കൊച്ചിയിൽ നിന്നു ടീം ഒമാനിലേക്ക് യാത്ര തിരിക്കും.

ടീം: സാലി വിശ്വനാഥൻ (ക്യാപ്റ്റൻ), കൃഷ്ണ പ്രസാദ്, വിഷ്ണു വിനോദ്, അജ്നാസ് എം, വിനൂപ് എസ് മനോഹരൻ, അഖിൽ സ്കറിയ, സിബി പി ​ഗിരീഷ്, അൻഫൽ പിഎം, കൃഷ്ണദേവൻ ആർജെ, ജെറിൻ പിഎസ്, രാഹുൽ ചന്ദ്രൻ, സിജോമോൻ ജോസഫ്, മുഹമ്മദ് ആഷിക്, ആസിഫ് കെഎം, അബ്​ദുൽ ബാസിത് പിഎ, അർജുൻ എകെ, അജയഘോഷ് എൻഎസ്.