പാരിസ്: ഈ സീസണോടെ പിഎസ്ജി വിടുമെന്നു കഴിഞ്ഞ ദിവസമാണ് ഫ്രഞ്ച് നായകനും സൂപ്പര് താരവുമായ കിലിയന് എംബാപ്പെ ആരാധകരോട് വെളിപ്പെടുത്തിയത്. താരം റയല് മാഡ്രിഡിലേക്ക് പോകുമെന്നു നേരത്തെ റിപ്പോര്ട്ടുകള് വന്നിരുന്നു. എന്നാല് ആദ്യമായാണ് താന് ഈ സീസണോടെ പാരിസ് പടിയിറങ്ങുമെന്നു താരം വെളിപ്പെടുത്തിയത്.
കഴിഞ്ഞ ദിവസം പിഎസ്ജിക്കായി തന്റെ അവസാന ഹോം മത്സരം കളിക്കാന് ഇറങ്ങിയ എംബാപ്പെയ്ക്ക് പക്ഷേ അത്ര സുഖകരമായ കാര്യങ്ങളല്ല നേരിടേണ്ടി വന്നത്. ടൗളോസിനെതിരായ ഹോം പോരാട്ടം പിഎസ്ജി തോറ്റു.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
മത്സരം തുടങ്ങും മുന്പ് സ്ക്രീനില് എംബാപ്പെയുടെ ചിത്രം കാണിച്ചപ്പോള് ആരാധകര് താരത്തിനെ കൂക്കി വിളിച്ചു. നേരത്തെ സൂപ്പര് താരങ്ങളായ മെസി, നെയ്മര് എന്നിവരും ടീം വിടാന് തീരുമാനിച്ച ഗ്രൗണ്ടിലെത്തിയപ്പോള് കൂവല് കേള്ക്കേണ്ടി വന്നിരുന്നു. സമാനമായിരുന്നു എംബാപ്പെയ്ക്കും നേരിടേണ്ടി വന്നത്.
മത്സരവും താരത്തിനു കയ്പ്പേറിയ ഫലമായി മാറി. 1-3നു പിഎസ്ജി സ്വന്തം തട്ടകത്തില് ടൗളോസിനോടു പരാജയം ഏറ്റുവാങ്ങി. ആദ്യ ഗോള് നേടി ടീമിനു ലീഡ് സമ്മാനിക്കാന് എംബാപ്പെയ്ക്ക് സാധിച്ചു. പക്ഷേ പിന്നീട് ടീം മൂന്ന് ഗോളുകള് വഴങ്ങി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
