ദോഹ: ലോകകപ്പ് സെമി ഫൈനലിലെത്തുന്ന ആദ്യ ആഫ്രിക്കന്‍ രാജ്യം എന്ന നേട്ടവുമായാണ് മൊറോക്കോ ഖത്തറില്‍ നിന്ന് മടങ്ങുന്നത്. സ്‌പെയ്ന്‍, പോര്‍ച്ചുഗല്‍ എന്നീ വമ്പന്മാരെ തളച്ച് മൊറോക്കോ കരുത്ത് കാണിച്ചു. എന്നാല്‍ ഫ്രാന്‍സിന് എതിരെ അത് ആവര്‍ത്തിക്കാനായില്ലെങ്കിലും തല ഉയര്‍ത്തി മടങ്ങുകയാണ് ഈ ആഫ്രിക്കന്‍ അറബ് രാജ്യം.
നല്ല മുഖം കാണിക്കാന്‍ ഞങ്ങള്‍ക്കായി... മൊറോക്കോയില്‍ ഫുട്‌ബോള്‍ ഉണ്ടെന്ന് കാണിക്കാന്‍ ഞങ്ങള്‍ക്കായി. ഞങ്ങളെ പിന്തുണക്കാന്‍ ഇത്രയും പേരുണ്ടെന്നറിഞ്ഞു...ഞങ്ങളുടെ ഏറ്റവും നല്ല പ്രകടനമാണ് പുറത്തെടുത്തത്. ഈ തോല്‍വി ഞങ്ങളില്‍ നിന്ന് അതിന് മുന്‍പ് വന്ന മികവുകളൊന്നും ഇല്ലാതാക്കുന്നതല്ല...മൊറോക്കന്‍ പരിശീലകന്‍ വാലിദ് റെഗ്‌റാഗി പറയുന്നു.
ഗ്രൂപ്പ് ഘട്ടത്തില്‍ ക്രൊയേഷ്യയെ സമനിലയില്‍ പിടിച്ച മൊറോക്കോ ബെല്‍ജിയത്തെ തോല്‍പ്പിച്ചു. പ്രീക്വാര്‍ട്ടറില്‍ സ്‌പെയ്‌നിനെ നാട്ടിലേക്ക് തിരിച്ചയച്ചു. ക്വാര്‍ട്ടറില്‍ ക്രിസ്റ്റ്യാനോയുടെ പോര്‍ച്ചുഗലിനും മൊറോക്കന്‍ പ്രതിരോധം ഭേദിക്കാനായില്ല. സെമിയില്‍ ഫ്രാന്‍സിന് മുന്‍പിലേക്ക് എത്തുന്നവരെ വരെ മൊറോക്കോയ്ക്ക് എതിരെ ഗോള്‍ നേടിയത് കാനഡ മാത്രം. അതും സെല്‍ഫ് ഗോള്‍.
സെമിയില്‍ ഫ്രാന്‍സിനോട് തോറ്റെങ്കിലും കയ്യടി നേടിയാണ് മൊറോക്കോ ഖത്തറില്‍ നിന്ന് മടങ്ങുന്നത്. മൂന്നാം സ്ഥാനത്തിനായുള്ള മത്സരത്തില്‍ ക്രൊയേഷ്യയെ കൂടി വീഴ്ത്താനായാല്‍ മൊറോക്കോ മറ്റൊരു ചരിത്രം കൂടി തിരുത്തിയെഴുതും.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
