ഗയാന: വരാനിരിക്കുന്ന കരീബിയന്‍ പ്രീമിയര്‍ ലീഗില്‍ ട്രിന്‍ബാഗോ നൈറ്റ് റൈഡേഴ്‌സിനെ വെടിക്കെട്ട് ബാറ്റര്‍ നിക്കോളാസ് പൂരാന്‍ നയിക്കും. ഇതിഹാസ താരം കീറന്‍ പൊള്ളാര്‍ഡിന്റെ പകരക്കാരനായാണ് പൂരാന്റെ വരവ്. ഇതിഹാസ വിന്‍ഡീസ് ഓള്‍ റൗണ്ടര്‍ ഡ്വെയ്ന്‍ ബ്രാവോയെ മുഖ്യ പരിശീലകനായും നിയമിച്ചു.
ദീര്‍ഘ നാളായി പൊള്ളാര്‍ഡാണ് ടീമിനെ നയിക്കുന്നത്. 2019 മുതല്‍ ക്യാപ്റ്റനായ പൊള്ളാര്‍ഡിന്റെ നായക മികവില്‍ ടീം 2020ലെ കിരീടവും സ്വന്തമാക്കിയിരുന്നു. ട്രിന്‍ബാഗോ നൈറ്റ് റൈഡേഴ്‌സിന്റെ നാലാം സിപിഎല്‍ കിരീടമായിരുന്നു ഇത്.
2015 മുതല്‍ 19 വരെ നൈറ്റ് റൈഡേഴ്‌സിന്റെ ക്യാപ്റ്റന്‍ ബ്രാവോയായിരുന്നു. ടീമിനെ 3 കിരീട നേട്ടങ്ങളിലേക്കും നയിച്ചു. ദീര്‍ഘ നാളത്തെ പദ്ധതി മുന്നില്‍ കണ്ടാണ് പൂരാനെ നായകനാക്കുന്നതെന്നു ബ്രാവോ വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
