ജമൈക്ക: വെസ്റ്റ് ഇന്ഡീസിന് എതിരായ രണ്ടാം ടി20 മത്സരത്തിന് മുന്പ് പാകിസ്ഥാന് കനത്ത തിരിച്ചടി. രണ്ടാം ടി20ക്ക് മുന്പായി നെറ്റ്സില് പരിശീലനം നടത്തവെ പന്ത് തലയില് അടിച്ച് അസം ഖാന് പരിക്ക്.
പാകിസ്ഥാന്റെ 22കാരനായ ബാറ്റ്സ്മാനെ ഉടനെ തന്നെ ആശുപത്രിയില് പ്രവേശിപ്പിക്കുകയും സിടി സ്കാന് എടുക്കുകയും ചെയ്തു. അസം ഖാന് ഹെല്മറ്റ് ധരിച്ചിരുന്നു. എങ്കിലും പന്ത് തലയില് ഇടിച്ചതിന്റെ ആഘാതം നേരിട്ടു. സിടി സ്കാനിന് ശേഷം താരത്തെ 24 മണിക്കൂര് നിരീക്ഷണത്തില് വയ്ക്കാന് ഡോക്ടര്മാര് നിര്ദേശിച്ചു.
അടുത്ത തിങ്കളാഴ്ച അസം ഖാനെ വീണ്ടും പരിശോധനയ്ക്ക് വിധേയമാക്കും. ജൂലൈ 28നാണ് പാകിസ്ഥാന്റെ വിന്ഡിസ് പര്യടനം ആരംഭിച്ചത്. എന്നാല് മഴയെ തുടര്ന്ന് ആദ്യ ടി20 മത്സരം ഉപേക്ഷിച്ചു. ടി20 ലോകകപ്പിന് മുന്പ് തങ്ങളുടെ ടീമുകളെ പരുവപ്പെടുത്തിയെടുക്കാന് ഉറച്ചാണ് ഇരു ടീമും പരമ്പരയ്ക്കായി ഇറങ്ങുന്നത്.
ഓസ്ട്രേലിയക്കെതിരെ 4-1ന് ടി20 പരമ്പര ജയിച്ചാണ് വിന്ഡിസ് പാകിസ്ഥാനെ നേരിടുന്നത്. എന്നാല് ഇംഗ്ലണ്ടിനോട് ടി20 പരമ്പര 2-1ന് തോറ്റാണ് പാകിസ്ഥാന്റെ വരവ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
