മുംബൈ: വളര്‍ന്നു വരുന്ന താരങ്ങള്‍ക്കായി സംഘടിപ്പിക്കുന്ന ഏഷ്യാ കപ്പ് പോരാട്ടത്തിനുള്ള ഇന്ത്യ എ ടീമിനെ പ്രഖ്യാപിച്ചു. നിലവില്‍ ഇന്ത്യ ടീമിനൊപ്പം ഓസ്‌ട്രേലിയയിലുള്ള വിക്കറ്റ് കീപ്പര്‍ ബാറ്റര്‍ ജിതേഷ് ശര്‍മയാണ് ക്യാപ്റ്റന്‍. 14കാരന്‍ വണ്ടര്‍ കിഡ് വൈഭവ് സൂര്യവംശിയേയും ടീമില്‍ ഉള്‍പ്പെടുത്തിയിട്ടുണ്ട്.
പ്രിയാംശ് ആര്യ, അശുതോഷ് ശര്‍മ, സുയഷ് ശര്‍മ അടക്കമുള്ള താരങ്ങളും ടീമിലുണ്ട്. നമാന്‍ ധിറാണ് വൈസ് ക്യാപ്റ്റന്‍.
ഇന്ത്യ ഗ്രൂപ്പ് ബിയിലാണ് മത്സരിക്കുന്നത്. യഎഇ എ, ഒമാന്‍ എ, പാകിസ്ഥാന്‍ എ ടീമുകളും ഗ്രൂപ്പിലുണ്ട്. ഈ മാസം 14നു ഇന്ത്യ ആദ്യ മത്സരത്തില്‍ യുഎഇയുമായി ഏറ്റുമുട്ടും. 16നാണ് ഇന്ത്യ- പാക് ബ്ലോക്ക്ബസ്റ്റര്‍ പോരാട്ടം. 18നു ഇന്ത്യ- ഒമാന്‍ പോരാട്ടം. നവംബര്‍ 21നാണ് സെമി പോരാട്ടം. 23നു ഫൈനലും നടക്കും.
ഇന്ത്യന്‍ ടീം: ജിതേഷ് ശര്‍മ (ക്യാപ്റ്റന്‍), വൈഭവ് സൂര്യവംശി, നേഹല്‍ വധേര, നമാന്‍ ധിര്‍, സൂര്യാംശ ഷെഡ്‌ജെ, രമണ്‍ദീപ് സിങ്, ഹര്‍ഷ് ദുബെ, അശുതോഷ് ശര്‍മ, യഷ് ഠാക്കൂര്‍, ഗുര്‍ജപനീത് സിങ്, വിജയ് കുമാര്‍ വൈശാഖ്, യുധവിര്‍ സിങ്, അഭിഷേക് പൊരേല്‍, സുയഷ് ശര്‍മ.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
