പല്ലക്കീല്: ടി20 ലോകകപ്പ് സൂപ്പര് എട്ടിലെ നിര്ണായക പോരാട്ടത്തില് കൂറ്റന് സ്കോര് ഉയര്ത്താന് സാധിച്ചില്ലെങ്കിലും പൊരുതവുന്ന സ്കോര് ഉയര്ത്തി പാകിസ്ഥാന്. ഇംഗ്ലണ്ടിനു മുന്നില് പാകിസ്ഥാന് 20 ഓവറില് നേടാന് കഴിഞ്ഞത് 164ണ്സ്. ടോസ് നേടി പാകിസ്ഥാന് ബാറ്റിങിനു ഇറങ്ങുകയായിരുന്നു. നിശ്ചിത ഓവറില് അവര് 9 വിക്കറ്റ് നഷ്ടത്തിലാണ് 164 റണ്സ് നേടിയത്.
ഓപ്പണര് സാഹിബ്സാദ ഫര്ഹാന് നടത്തിയ പോരാട്ടമാണ് അവരെ പൊരുതാവുന്ന സ്കോറിലേക്ക് എത്തിച്ചത്. ഓപ്പണറായി ഇറങ്ങിയ സാഹിബ്സാദ ഫര്ഹാന് 45 പന്തില് 2 സിക്സും 7 ഫോറും സഹിതം 63 റണ്സെടുത്തു.
ബാബര് അസം, ഫഖര് സമാന്, ഷദബ് ഖാന് എന്നിവരും നിര്ണായക സംഭാവന നല്കിയതോടെയാണ് അവര് ഈ സ്കോറിലെത്തിയത്. മറ്റൊരാളും രണ്ടക്കം കണ്ടില്ല.
ബാബര് 24 പന്തില് 25 റണ്സെടുത്തു മുടങ്ങി. ഫഖര് സമാന് 16 പന്തില് 2 വീതം സിക്സും ഫോറും സഹിതം 25 റണ്സ് വാരി. ഷദബ് ഖാന് 11 പന്തിലാണ് 23 അടിച്ചത്.
ഇംഗ്ലണ്ടിനായി ലിയാം ഡോസന് 4 ഓവറില് 24 റണ്സ് വഴങ്ങി 3 വിക്കറ്റെടുത്തു. ജാമി ഓവര്ടന്, ജോഫ്ര ആര്ച്ചര് എന്നിവര് 2 വീതം വിക്കറ്റുകളും സ്വന്തമാക്കി. ആദില് റഷീദിന് ഒരു വിക്കറ്റ് കിട്ടി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
