തിരുവനന്തപുരം: കേരളത്തിനെതിരായ രഞ്ജി ട്രോഫി മത്സരത്തില് രണ്ടാം ഇന്നിങ്സില് മഹാരാഷ്ട്ര മികച്ച നിലയിലേക്ക്. നാലാം ദിനം ഉച്ചഭക്ഷണത്തിന് പിരിയുമ്പോള് രണ്ടു വിക്കറ്റ് നഷ്ടത്തില് 148 റണ്സെന്ന നിലയിലാണ് മഹാരാഷ്ട്ര. രണ്ടാം ഇന്നിങ്സികളിലും മഹാരാഷ്ട്രയ്ക്ക് 168 റണ്സാണ് നിലവിലുള്ളത്. സിദ്ധേഷ് വീര് (25*), ഋതുരാജ് ഗെയ്ക്വാദ് (13*) എന്നിവരാണ് ക്രീസില്. ഓപ്പണര്മാരായ പൃഥ്വി ഷാ (75), അര്ഷിന് കുല്ക്കര്ണി (34) എന്നിവരാണ് പുറത്തായവര്.
വിക്കറ്റ് നഷ്ടമില്ലാതെ 51 റണ്സെന്ന നിലയിലായിരുന്നു മഹാരാഷ്ട്ര നാലാം ദിനം ക്രീസിലിറങ്ങിയത്. ഓപ്പണിംഗ് വിക്കറ്റില് പൃഥ്വി ഷാ-അര്ഷിന് കുല്ക്കര്ണി സഖ്യം 84 റണ്സ് കൂട്ടിച്ചേര്ത്തതോടെ മഹാരാഷ്ട്ര സമനില ഉറപ്പിച്ചു. 46 പന്തില് നിന്ന് 34 റണ്സെടുത്ത അര്ഷിന് കുല്ക്കര്ണിയെ വിക്കറ്റിന് മുന്നില് കുടുക്കിയ എന് പി ബേസിലാണ് കേരളത്തിന് ആദ്യ ബ്രേക്ക് ത്രൂ നല്കിയത്. എന്നാല് കരുതലോടെ കളിച്ച പൃഥ്വി ഷാ 102 പന്തില് ഏഴ് ബൗണ്ടറികള് മാത്രം നേടി 75 റണ്സെടുത്ത് നിര്ണവയക ഇന്നിങ്സ് കാഴ്ചവെച്ചു. രണ്ടാം വിക്കറ്റില് പൃഥ്വി ഷാ-സിദ്ദേശ് വീര് സഖ്യം 37 റണ്സ് കൂട്ടിച്ചേര്ത്ത് മഹാരാഷ്ട്രയെ സുരക്ഷിത സ്കോറിലേക്ക് നയിച്ചു.
വിക്കറ്റ് നഷ്ടമില്ലാതെ 51 റണ്സെന്ന നിലയില് നാലാം ദിനം ബാറ്റിങ് ആരംഭിച്ച മഹാരാഷ്ട്രയ്ക്ക് അര്ഷിന്റെ വിക്കറ്റാണ് ആദ്യം നഷ്ടമാകുന്നത്. പൃഥ്വി ഷായ്ക്കൊപ്പം ഓപ്പണിങ് വിക്കറ്റില് 84 റണ്സിന്റെ കൂട്ടുകെട്ടുണ്ടാക്കിയ ശേഷമാണ് അര്ഷിന് മടങ്ങിയത്. പിന്നാലെ അര്ധ സെഞ്ചുറി പിന്നിട്ട് മുന്നേറുകയായിരുന്ന ഷായെ അക്ഷയ് ചന്ദ്രനാണ് പുറത്താക്കിയത്. 102 പന്തുകള് നേരിട്ട താരം ഏഴ് ബൗണ്ടറിയടക്കമാണ് 75 റണ്സെടുത്തത്.
നേരത്തേ മൂന്നാം ദിനം 219 റണ്സിന് പുറത്തായ കേരളം 20 റണ്സിന്റെ ഒന്നാം ഇന്നിങ്സ് ലീഡ് വഴങ്ങിയിരുന്നു. സഞ്ജു സാംസണ് (54), സല്മാന് നിസാര് (49), ക്യാപ്റ്റന് മുഹമ്മദ് അസ്ഹറുദ്ദീന് (36) എന്നിവരിലൂടെ ലീഡിലെത്താമെന്ന് കേരളം പ്രതീക്ഷിച്ചെങ്കിലും വാലറ്റവും പെട്ടെന്ന് കീഴടങ്ങി. മൂന്നുവിക്കറ്റ് വീഴ്ത്തിയ മുന് കേരളതാരം ജലജ് സക്സേനയും സഞ്ജു, അസ്ഹറുദ്ദീന് എന്നിവരെ പുറത്താക്കിയ ഇടംകൈ സ്പിന്നര് വിക്കി ഓസ്വാളുമാണ് കേരളത്തെ തകര്ത്തത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
