റാഞ്ചി: പരമ്പരയിലെ രണ്ടാം ഏകദിനത്തില്‍ ഇന്ത്യക്കെതിരെ ടോസ് നേടി സൗത്ത് ആഫ്രിക്കയ്ക്ക്. ടോസ് നേടിയ സൗത്ത് ആഫ്രിക്ക ബാറ്റിങ് തെരഞ്ഞെടുത്തു. ഷഹ്ബാസ് അഹ്മദ് ഇന്ത്യക്കായി ഏകദിനത്തില്‍ അരങ്ങേറ്റം കുറിക്കും.
ദീപക് ചഹറിന് പകരം ടീമിലേക്ക് എത്തിയ വാഷിങ്ടണ്‍ സുന്ദര്‍ പ്ലേയിങ് ഇലവനിലും ഇടം നേടി. ലഖ്‌നൗവില്‍ നടന്ന ആദ്യ ഏകദിനത്തില്‍ മികവ് കാണിക്കാന്‍ കഴിയാതെ പോല ഋതുരാജ് ഗയ്ക് വാദിന് രണ്ടാം മത്സരത്തിലേക്ക് എത്തിയപ്പോള്‍ സ്ഥാനം നഷ്ടമായി. രവി ബിഷ്‌ണോയും രണ്ടാം ഏകദിനത്തില്‍ ടീമിലില്ല.
ബവുമയ്ക്ക് പകരം കേശവ് മഹാരാജ് ആണ് റാഞ്ചിയില്‍ സൗത്ത് ആഫ്രിക്കയെ നയിക്കുന്നത്. ആദ്യ ഏകദിനത്തില്‍ കൂടുതല്‍ റണ്‍സ് വഴങ്ങിയ ഷംസിയും സൗത്ത് ആഫ്രിക്കയുടെ പ്ലേയിങ് ഇലവനില്‍ ഇല്ല. പകരം റീസ ഹെന്‍ റിക്‌സും പോര്‍ട്യൂയിനും ടീമിലേക്ക് എത്തി.
ആദ്യ ഏകദിനത്തില്‍ 9 റണ്‍സിനാണ് ഇന്ത്യ തോല്‍വിയിലേക്ക് വീണത്. സഞ്ജു, ശ്രേയസ് ഒഴികെ മറ്റ് ഇന്ത്യന്‍ ബാറ്റേഴ്‌സിന് പിടിച്ചുനില്‍ക്കാന്‍ കഴിഞ്ഞിരുന്നില്ല. ആദ്യം ബാറ്റ് ചെയ്യുന്ന ടീമുനാണ് റാഞ്ചിയില്‍ മുന്‍തൂക്കം എന്നതും ഇന്ത്യക്ക് തിരിച്ചടിയാണ്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
