മാഡ്രിഡ്: സ്പാനിഷ് ലാ ലിഗയില് മുന് ചാംപ്യന്മാരായ റയല് മാഡ്രിഡിനു തകര്പ്പന് ജയം. അവര് ഒന്നിനെതിരെ 4 ഗോളുകള്ക്ക് സ്വന്തം തട്ടകമായ സാന്റിയാഗോ ബെര്ണാബ്യുവില് എല്ചെയെ തകര്ത്തു. അന്റോണിയോ റൂഡിഗര്, ഫെഡെറിക്കോ വാര്വര്ഡെ, ഡീന് ഹ്യുസെന്, ആര്ദ ഗുലാര് എന്നിവരാണ് റയലിനായി വല ചലിപ്പിച്ചത്.
ഇരു പകുതികളിലുമായി റയല് രണ്ട് വീതം ഗോളുകള് വലയലിട്ടു. എല്ചെ നേടിയ ഗോളും റയല് ദാനം നല്കിയതാണ്. മാനുവല് എയ്ഞ്ചലിന്റെ സെല്ഫ് ഗോളാണ് എല്ചെയ്ക്ക് ആശ്വാസമായത്.
39ാം മിനിറ്റിലാണ് അന്റോണിയോ റൂഡിഗര് റയലിന് ലീഡ് സമ്മാനിച്ചത്. 44ാം മിനിറ്റില് വാല്വര്ഡെ ഗോള്. 66ല് ഹ്യുസെനും 89ല് ഗുലാറും പട്ടിക പൂര്ത്തിയാക്കി.
മറ്റൊരു മത്സരത്തില് അത്ലറ്റിക്കോ മാഡ്രിഡും ജയം സ്വന്തമാക്കി. ഒറ്റ ഗോളിനു അവര് ഗെറ്റാഫെയെ വീഴ്ത്തി. എട്ടാം മിനിറ്റില് നഹ്വേല് മൊളിനയാണ് വല ചലിപ്പിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
