കൊളംബോ: ടി20 ലോകകപ്പിലെ ആദ്യ പോരിനായി ഒരുങ്ങുന്ന ശ്രീലങ്കയ്ക്ക് കനത്ത അടിയായി ടീമില് ഉള്പ്പെടുത്തിയ പേസര് ഇഷാന് മലിംഗയുടെ പരിക്ക്. ഇംഗ്ലണ്ടിനെതിരായ ടി20 പരമ്പരയിലെ അവസാന പോരാട്ടത്തിലാണ് താരത്തിനു തോളിനു പരിക്കേറ്റത്.
ലോകകപ്പ് മത്സരങ്ങള് ആകുമ്പോഴേക്കും താരം പരിക്കു മാറി തിരിച്ചെത്തുമെന്നായിരുന്നു പ്രതീക്ഷ. എന്നാല് പരിക്ക് മാറി ഫിറ്റ്നസ് വീണ്ടെടുക്കാന് സമയം വേണമെന്നു വ്യക്തമായ സാഹചര്യത്തില് മലിംഗയെ ടീമില് നിന്നു ഒഴിവാക്കി.
മലിംഗയ്ക്കു പകരം പ്രമോദ് മധുഷന് ടീമിലെത്തും. ഗ്രൂപ്പ് ബിയില് ഓസ്ട്രേലിയ, അയര്ലന്ഡ്, ഒമാന്, സിംബാബ്വെ ടീമുകള്ക്കെതിരെയാണ് പ്രാഥമിക ഘട്ടത്തില് ലങ്കയുടെ മത്സരങ്ങള്. നാളെ ആദ്യ മത്സരത്തില് അവര് അയര്ലന്ഡുമായി ഏറ്റുമുട്ടും.
ശ്രീലങ്ക ടീം: ദസുന് ഷനക (ക്യാപ്റ്റന്), പതും നിസ്സങ്ക, കാമില് മിശ്ര, കുശാല് മെന്ഡിസ്, കാമിന്ദു മെന്ഡിസ്, കുശാല് പെരേര, ചരിത് അസലങ്ക, ജനിത് ലിയനാഗെ, പവന് രത്നായകെ, വാനിന്ദു ഹസരംഗ, ദുനിത് വെള്ളാലഗെ, മഹീഷ് തീക്ഷണ, ദുഷ്മന്ത ചമീര, മതീഷ പതിരന, പ്രമോദ് മധുഷന്.
Pramod Madushan has been named as the replacement for injured pacer Eshan Malinga in Sri Lanka’s squad for the t20 world cup
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
