കൊളംബോ : ശ്രീലങ്കന്‍ ക്രിക്കറ്റ് ടീം പരിശീലകനും സീനിയര്‍ ക്രിക്കറ്റ് താരത്തിനും കോവിഡ് സ്ഥിരീകരിച്ചു. കോച്ച് മിക്കി ആര്‍തറിനും ബാറ്റ്‌സ്മാന്‍ ലാഹിരു തിരിമന്നയ്ക്കുമാണ് കോവിഡ് സ്ഥിരീകരിച്ചത്.
ഇതോടെ ശ്രീലങ്കന്‍ ടീമിന്റെ വെസ്റ്റിന്‍ഡീസ് പര്യടനം അനിശ്ചിതത്വത്തിലായി. ശ്രീലങ്കയുടെ കരീബിയന്‍ പര്യടനം ഈ മാസം 20 ന് ആരംഭിക്കാനാണ് തീരുമാനിച്ചിരുന്നത്.
പര്യടനത്തിന് മുന്നോടിയായാണ് 36 അംഗ ടീമിനെ പിസിആര്‍ ടെസ്റ്റിന് വിധേയരാക്കിയത്. കളിക്കാരെ കൂടാതെ, കോച്ചിഹ് സ്റ്റാഫ്, നെറ്റ് ബൗളര്‍മാര്‍ തുടങ്ങി ടീമുമായി ബന്ധപ്പെട്ട എല്ലാവരെയും പരിശോധനയ്ക്ക് വിധേയരാക്കിയിരുന്നു.
കോവിഡ് സ്ഥിരീകരിച്ച മിക്കി ആര്‍തറിനെയും തിരിമന്നയെയും ഐസൊലേഷനിലാക്കി. പുതിയ സാഹചര്യത്തില്‍ ടീമിന്റെ വെസ്റ്റിന്‍ഡീസ് പര്യടനം മാറ്റിവെച്ചേക്കുമെന്നാണ് സൂചന.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
