ലണ്ടന്‍: കൗണ്ടിയിലെ നൂറ്റാണ്ട് പഴക്കമുള്ള സ്വന്തം റെക്കോര്‍ഡ് തിരുത്തി സറെ. കൗണ്ടി ചാംപ്യന്‍ഷിപ്പ് ഡിവിഷന്‍ വണ്‍ പോരാട്ടത്തില്‍ ഡുറം ടീമിനെതിരെ ഒന്നാം ഇന്നിങ്‌സില്‍ 820 റണ്‍സടിച്ച് 126 വര്‍ഷം പഴക്കമുള്ള സ്വന്തം റെക്കോര്‍ഡാണ് സറെ തിരുത്തിയത്.
കൗണ്ടിയില്‍ സറെ ടീം സ്വന്തമാക്കുന്ന ഏറ്റവും ഉര്‍ന്ന ടോട്ടലിന്റെ റെക്കോര്‍ഡാണിത്. 1899ല്‍ സോമര്‍സെറ്റിനെതിരെ സറെ നേടിയ 811 റണ്‍സായിരുന്നു ഇതുവരെ അവരുടെ ഉയര്‍ന്ന ടീം ടോട്ടല്‍. ഈ റെക്കോര്‍ഡാണ് പഴങ്കഥയാക്കിയത്. കൗണ്ടിയില്‍ ഒരു ടീം സ്വന്തമാക്കുന്ന ഏറ്റവും ഉയര്‍ന്ന നാലാമത്തെ സ്‌കോറും ഇതായി മാറി.
ഡോം സിബ്ലി നേടിയ ട്രിപ്പിള്‍ സെഞ്ച്വറിയും സാം കറന്‍, ഡാന്‍ ലോറന്‍സ്, വില്‍ ജാക്‌സ് എന്നിവര്‍ നേടിയ സെഞ്ച്വറികളുടേയും കരുത്തിലാണ് ടീം റണ്‍ മല തീര്‍ത്തത്. സിബ്ലി 305 റണ്‍സെടുത്തു. ലോറന്‍സ് (178), വില്‍ ജാക്‌സ് (119), സാം കറന്‍ (108) റണ്‍സും കണ്ടെത്തി. ക്യാപ്റ്റന്‍ റോറി ബേണ്‍സ് അര്‍ധ സെഞ്ച്വറി (55) നേടി.
കൗണ്ടിയിലെ ഉയര്‍ന്ന ടോട്ടല്‍
887: യോര്‍ക്ക്‌ഷെയര്‍- വാര്‍വിക്‌ഷെയര്‍, 1896
863: ലങ്കാഷെയര്‍- സറെ, 1990
850/ 7: സോമര്‍സെറ്റ്- മിഡില്‍സെക്‌സ്, 2007
820/ 9: സറെ- ഡുറം, 2025
811: സറെ- സോമര്‍സെറ്റ്, 1899
Dom Sibley smashed a career-best 305 as Surrey piled on 820-9 against Durham in a County Championship Division One fixture at The Oval on Monday.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
