ചെന്നൈ: ടി20 ലോകകപ്പില് ന്യൂസിലന്ഡിനു മുന്നില് 183 റണ്സ് വിജയ ലക്ഷ്യം വച്ച് അഫ്ഗാനിസ്ഥാന്. ആദ്യം ബാറ്റ് ചെയ്ത അഫ്ഗാന് നിശ്ചിത ഓവറില് 6 വിക്കറ്റ് നഷ്ടത്തില് 182 റണ്സെന്ന ഭേദപ്പെട്ട സ്കോറുയര്ത്തി.
35 പന്തില് 63 റണ്സ് വാരിയ ഗുൽബാദിന് നായ്ബിന്റെ ബാറ്റിങാണ് അഫ്ഗാന് കരുത്തായത്. താരം 4 സിക്സും 3 ഫോറും പറത്തി.
റഹ്മാനുല്ല ഗുര്ബാസ് (27), സെദിഖുല്ല അടല് (29), ഡാര്വിഷ് റസൂലി (20), അസ്മതുല്ല ഒമര്സായ് (7 പന്തില് 14) എന്നിവരും പൊരുതി. വെറ്ററന് താര മുഹമ്മദ് നബി 7 പന്തില് 10 റണ്സുമായി പുറത്താകാതെ നിന്നു.
ന്യൂസിലന്ഡിനായി ലോക്കി ഫെര്ഗൂസന് 2 വിക്കറ്റെടുത്തു. മാറ്റ് ഹെന്റി, ജേക്കബ് ഡഫി, രചിന് രവീന്ദ്ര എന്നിര് ഓരോ വിക്കറ്റെടുത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
