മുംബൈ: ടി20 ലോകകപ്പില് ഇംഗ്ലണ്ടിനെ 184 റണ്സില് ഒതുക്കി നേപ്പാള്. ടോസ് നേടി ഇംഗ്ലണ്ട് ബാറ്റിങ് തിരഞ്ഞെടുത്തു. നേപ്പാള് ബൗളര്മാര്ക്കു മുന്നില് കൂറ്റന് സ്കോറുയര്ത്താനുള്ള ഇംഗ്ലീഷ് മോഹം നടന്നില്ല. അവര് 7 വിക്കറ്റ് നഷ്ടത്തിലാണ് 184ല് എത്തിയത്.
ജേക്കബ് ബേതേല്, ക്യാപ്റ്റന് ഹാരി ബ്രൂക്ക് എന്നിവരുടെ അര്ധ സെഞ്ച്വറിയാണ് പൊരുതാവുന്ന സ്കോറിലേക്ക് ഇംഗ്ലണ്ടിനെ എത്തിച്ചത്. വില് ജാക്സിന്റെ കാമിയോ ഇന്നിങ്സ് സ്കോര് 184ല് എത്തിച്ചു.
ബേതേല് 35 പന്തില് 4 വീതം സിക്സും ഫോറും സഹിതം 55 റണ്സെടുത്തു. ബ്രൂക്ക് 32 പന്തില് 3 സിക്സും 4 ഫോറും സഹിതം 53 റണ്സും കണ്ടെത്തി. വില് ജാക്സ് 18 പന്തില് 4 സിക്സും ഒരു ഫോറും സഹിതം 39 റണ്സ് വാരി. ഓപ്പണര് ജോസ് ബട്ലറാണ് തിളങ്ങിയ മറ്റൊരാള്. താരം 17 പന്തില് 26 റണ്സെടുത്തു മടങ്ങി.
നേപ്പാളിനായി ദീപേന്ദ്ര സിങ്, നന്ദന് യാദവ് എന്നിവര് രണ്ട് വീതം വിക്കറ്റുകള് വീഴ്ത്തി. ഷെര് മല്ല, സന്ദീപ് ലാമിചനെ എന്നിവര് ഓരോ വിക്കറ്റെടുത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
