കൊളംബോ: ഏകദിന പരമ്പര നേടിയതിന്റെ ആത്മവിശ്വാസത്തില്‍ ഇന്ത്യ ഇന്ന് ശ്രീലങ്കക്കെതിരായ ടി20 പോരിന് ഇറങ്ങുന്നു. ടോസ് നേടി ശ്രീലങ്ക ആദ്യം ബൗള്‍ ചെയ്യാനാണ് തീരുമാനിച്ചത്.
മൂന്ന് മത്സരങ്ങളടങ്ങിയ ഏകദിന പോരാട്ടത്തില്‍ 2-1നാണ് ഇന്ത്യ വിജയം പിടിച്ചത്. അവസാന മത്സരത്തില്‍ തോറ്റെങ്കിലും ആത്മവിശ്വാസത്തെ അത് ബാധിക്കില്ലെന്ന പ്രതീക്ഷയിലാണ് ഇന്ത്യ.
പൃഥ്വി ഷാ, വരുണ്‍ ചക്രവര്‍ത്തി എന്നിവര്‍ ഇന്ന് അരങ്ങേറ്റം കുറിക്കും. ടി20 ലോകകപ്പ് മുന്നില്‍ നില്‍ക്കെ യുവ താരങ്ങള്‍ക്ക് ടീമില്‍ സ്ഥാനം നേടാനുള്ള സുവര്‍ണാവസരമാണ് ശ്രീലങ്കക്കെതിരായ ടി20 പരമ്പര.
അവസാന ഏകദിനത്തില്‍ അരങ്ങേറ്റം കുറിച്ച് മലയാളി താരം സഞ്ജു സാംസണ്‍ ടീമിലുണ്ട്. അവസാന പോരാട്ടത്തില്‍ 46 റണ്‍സെടുത്ത് ഏകദിന അരങ്ങേറ്റം ഗംഭീരമാക്കാനും സഞ്ജുവിന് സാധിച്ചിരുന്നു. ഇഷാന്‍ കിഷനും ടീമിലുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
